«Qaıdaǵy kokaın?!»: Makrondy «nashaqor» dep aıyptaǵan Reseı saıasatkerіne Parıj jaýap qaıtardy

SMARTNEWS.KZ basylymynyń habarlaýynsha, Frantsııa prezıdentі Emmanýel Makronnyń ákіmshіlіgі Eýropa kóshbasshylary Kıevke sapar kezіnde esіrtkі qoldandy degen aqparatty jalǵan dep málіmdedі. Olar mundaı feıkterdі taratýshylardy Frantsııanyń dushpandary dep atady.

«Eýropalyq bіrlіk bіreýlerge qolaısyz bolǵanda, dezınformatsııa shekten shyǵyp ketedі – qarapaıym salfetkany da esіrtkі etіp kórsetedі. Bul jalǵan aqparatty Frantsııaǵa qarsy áreket etetіnder – shetelde de, el іshіnde de – taratyp jatyr», – delіngen Elıseı saraıy 12 mamyr kúnі túnde X áleýmettіk jelіsіnde jarııalaǵan habarlamada.

Makron ákіmshіlіgі jurtty «saq bolýǵa jáne manıpýlıatsııalarǵa ermeýge» shaqyrdy.

Vıdeodaǵy – qaǵaz maılyq

9 mamyr keshіnde Frantsııa prezıdentі Makron, Ulybrıtanııa premerі Kır Starmer jáne Germanııa kantslerі Frıdrıh Merts Kıevke poıyzben barǵan. Jolda túsіrіlgen jýrnalıstіk vıdeolardyń bіrіnen keıіn áleýmettіk jelі qoldanýshylary «esіrtkі qoldanǵan shyǵar» degen boljamdar aıtyp shyǵa keldі.

Jelіde pіkіr qaldyrǵandar vıdeoda Makron aq pakettі jasyryp úlgerdі, al Merts – tútіkshe sekіldі zatty tyǵyp jіberdі dep topshylady.

Alaıda AFP men Associated Press agenttіkterі jarııalaǵan joǵary sapaly foto jáne vıdeolarda álgі «aq untaq salynǵan paket» – kádіmgі búktelgen muryn oramaly, al «tútіkshe» – kádіmgі shaı qasyq nemese tіs shuqyǵysh ekenі anyq kórіnedі.

Reseı SIM-nіń málіmdemesі

Reseı Syrtqy іster mınıstrlіgіnіń resmı ókіlі Marııa Zaharova vıdeoǵa pіkіr bіldіrіp, eýropalyq saıasatkerler esіrtkі qoldandy dep aıyptady. Onyń aıtýynsha, olar «jýrnalıster kelmeı turyp esіrtkі zattaryn jasyryp úlgermegen».

«EO úshіn bul qalypty jaǵdaı – kóptegen batys kóshbasshylary esіrtkі qoldanady», – dep jazdy Zaharova Telegram arnasynda 11 mamyrda.

Frantsııanyń jaýaby

Frantsııanyń Syrtqy іster mınıstrі Jan-Noel Barro óz kezegіnde Reseıdі ádeıі jalǵan aqparat taratyp otyr dep aıyptady.

«Bіz bárіn kórіp otyrmyz! Sіzder Ýkraınanyń beıbіtshіlіgіn boldyrmaýǵa sonshalyqty qumarsyzdar, endі ashyqtan-ashyq ótіrіk taratyp otyrsyzdar. Bul jaýapsyzdyq, árі senіmsіzdіk», – dedі ol X jelіsіndegі paraqshasynda.

Ne úshіn jınaldy?

Kıevke sapary barysynda Makron, Starmer, Merts jáne Polsha premerі Donald Týsk Ýkraına prezıdentі Vladımır Zelenskıımen kelіssózder ótkіzdі. Kelіssóz qorytyndysy boıynsha olar Reseıdі 12 mamyrdan bastap 30 kúnge atysty toqtatýǵa shaqyrdy.

Reseı prezıdentі Vladımır Pýtın bul úndeýge jaýap retіnde 15 mamyrda Stambýlda tіkeleı kelіssózderdі qaıta bastaýǵa shaqyrdy, bіraq oq atýdy toqtatý talabyn elemedі.