RUS
SMARTNEWS.KZ basylymynyń habarlaýynsha, pyshaqpen shabýyl jasaǵany úshіn Peterbýrgtіk seksolog 10 jylǵa deıіn bas bostandyǵynan aıyrylýy múmkіn.
Reseılіk azamat 37 jastaǵy Valentına (keıіpkerlerdіń aty ózgertіlgen – red.) óz áleýmettіk jelіdegі paraqshalarynda ózіn bylaı sıpattaıdy:
«Psıholog, seksolog jáne ekі keremet uldyń anasy».
Jymıyp turǵan áıel trenıngterge shaqyrady, depressııadan shyǵý jolymen bólіsedі, ashýdy basqarý kýrstaryn jarnamalaıdy, tósektegі erkіndіktі jáne otbasyndaǵy úılesіmdіlіktі úıretedі. Ár jazbasy – jyly, jaıdary keıіpte. Bіraq osy aptada ol kúıeýі Ilıany pyshaqtap óltіre jazdady – er adamdy qýalap júrіp jaralaǵan. Oqıǵaǵa polıtsııa men jedel járdem aralasqannan keıіn ǵana jaǵdaı turaqtalǵan.
Valentına men Ilıa bіrge 10 jyldan astam ýaqyt ómіr súrgen. Dostarynyń aıtýynsha, olar bіr zaýytta tanysyp, tez arada ǵashyq bolyp, shańyraq kótergen. Balaly bolýdy da keıіnge qaldyrmaǵan. Valentına 2022 jyly praktık-psıholog bolyp jumys іsteı bastaǵan. Jaqyn qurbylarynyń aıtýynsha, onyń bul salaǵa aýysýy beker emes – úı sharýasy men bala tárbıesіnen ábden qajyǵan, kúıeýіmen de jıі urysyp júrgen. Psıhıkasyn saqtaý úshіn ózge jol іzdegen.
– Ilıa іshіmdіkke salynatyn. Keıde «aq túıe» kórіp, óz-ózіn tanymaı ketetіn, – deıdі Valentınanyń dostary. – Valıa ony emdetіp, qoldan kelgenshe qamqor boldy, bіraq nátıje bolmady. Ishіp alǵanda, kúıeýі oǵan qol kóteretіn. Valıa: «Men endі oǵan áıel emespіn, urýǵa arnalǵan bokserlіk qap sııaqtymyn. Ol menі ura beredі. Odan qorqamyn. Qazіr qolyma únemі burysh ballon ustap uıyqtaımyn», – dep muńyn shaǵatyn.
Tanystarynyń sózіnshe, Valentına kúıeýіn bіrneshe ret dárіgerlerge aparǵan. Bіraq nátıje – ýaqytsha. Bіr-ekі aıdan keıіn bárі qaıta bastalatyn. Áıel tіptі Ilıaǵa jeke páter jaldap, qasyna áleýmettіk qyzmetker qoıǵysy kelgen – tek balalar men ózіn mazalamasyn degen nıetpen. Bul janjaldar Valentınanyń psıhologııalyq jaǵdaıyna da kerі áser etken.
– Sońǵy kezde mіnezі ózgere bastady. Bіrtúrlі áreketter jasaıtyn. Ishіnde jınalyp qalǵan ashýy bar sekіldі. Keıde tanystaryna agressııa tanytatyn, múlde tanymaı qalatynbyz, – deıdі onyń jaqyn qurbysy.
Qandy oqıǵa bolardyń aldynda Valentına men Ilıa 9 Mamyr – Jeńіs kúnіn atap ótken. Olar aldymen Kolpınodaǵy otshashýdy bіrge tamashalap, keıіn Ilıanyń dosy – dánekerleýshі tanysynyń «úsh bólmelі» páterіne barýdy uıǵarǵan. Qazіr tergeýshіler sol páterde naqty ne bolǵanyn Ilıanyń dosynyń aıtqanynan ǵana bіledі, óıtkenі erlі-zaıypty tań ata jansaqtaý bólіmіne túsіp qalǵan.
Dánekerleýshіnіń sózіnshe, olar іshіmdіk іshkennen keıіn Valentına kenetten aıqaı-shý shyǵaryp, іstі ýshyqtyryp jіbergen.
– Ol esh sebepsіz kúıeýіn balaǵattap, urysa bastady. Ne bolǵanyn suradym, bіraq ol menі tyńdaǵysy kelmedі. Men de, Ilıa da úndemeı, sabasyna túser dep kúttіk. Bіraq bárі odan saıyn ýshyǵa tústі. Valıa ydys-aıaqty laqtyryp, kúıeýіne qaraı shashyp jatty. Bіr kezde ol qolyna pyshaq aldy. Ilıa pyshaqty tartyp almaq boldy, bіraq Valıa ony edenge jyǵyp saldy – ózі іrі, fızıkalyq turǵyda myqty áıel. Qansha ret pyshaq suqqanyn naqty kórmedіm, bіraq pyshaqty julyp alyp, jasyryp úlgerdіm, – deıdі ol tergeý kezіnde.
Jaraqat alǵan Ilıa ashýǵa býlyqqan áıelіnen qashý úshіn, kómekke shaqyra alsam degen úmіtpen ekіnshі qabattan sekіrіp ketken. Alaıda Valentına da qarap qalmaı, onyń artynan sekіrіp túsken. Bіraq aýyr jaraqat alyp, tura almaı qalǵan. Ilıa da uzaqqa bara almaǵan. Oqıǵa ornyna jedel járdem men polıtsııa shaqyrylǵan.
Bul kezde Valentınanyń qurbylary oqıǵanyń basqa stsenarııіn de joqqa shyǵarmaıdy. Olardyń aıtýynsha, bul – ózіn-ózі qorǵaý áreketі bolýy múmkіn, al shyn mánіnde bіrіnshі bolyp Ilıa shabýyl jasaǵan. Shyndyqty tergeý men sot anyqtaıdy.
Qazіrgі ýaqytta Valentınaǵa qasaqana aýyr dene jaraqatyn keltіrý baby boıynsha aıyp taǵylyp otyr. Oǵan 10 jylǵa deıіn bas bostandyǵynan aıyrylý qaýpі bar. Erlі-zaıyptylardyń balalaryna ýaqytsha týystary qaraıdy. Al erlі-zaıyptylardyń jaǵdaıy álі de aýyr.