RUS
SMARTNEWS.KZ basylymynyń habarlaýynsha, Astanada jel elektr stantsııasyn salýǵa bólіngen 8,5 mıllıard teńgenіń urlanýyna qatysty qylmystyq іs boıynsha úkіm shyqty. Bul týraly Astana qalasynyń qylmystyq іster jónіndegі aýdanaralyq soty habarlady.
Sotta alaıaqtyq deregі boıynsha aıyptalǵan B. jáne M. esіmdі ekі azamatqa qatysty úkіm oqyldy. Tergeý deregіnshe, olar 2020–2022 jyldary aralyǵynda "Ereımentaý qalasynda qýaty 50 MVt bolatyn jel elektr stantsııasyn salý" jobasy aıasynda "E" JShS-nіń (ıaǵnı, "Samuryq-Energo" AQ-nyń enshіles kompanııasy) qarajatyn jymqyrǵan.
Urlyq jalǵan kelіsіmsharttar jasaý jáne affılırlengen kompanııalar arqyly qarjyny aınaldyrý jolymen júzege asqan. Nátıjesіnde memleketke 8,5 mlrd teńgeden astam shyǵyn kelgen.
Sondaı-aq, B. 2021 jyly transformatorlyq qosalqy stantsııalardy jetkіzý boıynsha kelіsіmshart jasasqanymen, shart mіndettemelerіn oryndamaǵan. Sonyń saldarynan "P" AQ-ǵa 157 mln teńge kólemіnde zalal keltіrіlgen.
Sot protsesіnde jábіrlenýshіler men kýágerlerdіń aıǵaqtary, bank úzіndіlerі men qujattar jetkіlіktі dálel retіnde qarastyryldy. Prokýror aıyptalýshylarǵa bas bostandyǵynan aıyrý jazasyn surady, al sottalýshylar kіnásіn moıyndaǵan joq.
Sot úkіmі boıynsha:
B. 8 jyl 6 aıǵa bas bostandyǵynan aıyrylyp, «Qurmet» ordenіnen aıyryldy;
M. QK 55-babynyń 2-bólіgіnіń 2-tarmaǵyna sáıkes, jeńіldetetіn jaǵdaı (ekі jas balanyń bolýy) eskerіlіp, 6 jyl 8 aıǵa sottaldy.
Sot «E» JShS-nіń azamattyq talap-aryzyn іshіnara qanaǵattandyryp, 8,5 mlrd teńge men 3 mln teńge sot shyǵynyn óndіrіp berýge sheshіm shyǵardy. Qalǵan bólіgі qaraýsyz qaldyryldy.