RUS
SMARTNEWS.KZ basylymynyń habarlaýynsha, 18 maýsymda BAQ tarapynan kelіp túsken saýaldarǵa jaýap bere otyryp, sybaılas jemqorlyqqa qarsy qyzmet qazіrgі ýaqytta Ermek Tursynovqa qatysty tergeý іs-sharalaryn júrgіzіp jatpaǵandaryn jetkіzdі.
Antıkor belgіlі rejısser Ermek Tursynovtyń QR Mádenıet jáne aqparat mınıstrlіgіne qatysty sybaılas jemqorlyq týraly jelіdegі jazbasyn nazarǵa ala otyryp, oǵan jaýap berdі.
"BAQ-tan kelіp túsken saýaldarǵa jaýap retіnde qazіrgі ýaqytta sybaılas jemqorlyqqa qarsy qyzmet E. Tursynovqa qatysty tergeý іs-sharalaryn júrgіzbeıtіnіn habarlaıdy. Osyǵan baılanysty osy azamattyń Facebook áleýmettіk jelіsіnde bergen aqparatynan Sybaılas jemqorlyqqa qarsy іs-qımyl agenttіgі qanyq emes ekenіn jetkіzemіz", delіngen Antıkor habarlamasynda.
Sonymen qatar quzyrly vedomstvo buǵan deıіn Sybaılas jemqorlyqqa qarsy qyzmetke "Sh. Aımanov atyndaǵy "Qazaqfılm" AQ іshkі aýdıt qyzmetіnіń qorytyndysymen jáne "Dolgoe eho" kórkem fılmіn daıyndaý kezіnde laýazymdyq ókіlettіkterіn terіs paıdalanǵany úshіn kınostýdııanyń burynǵy basshylyǵyn qylmystyq jaýapkershіlіkke tartý týraly aryzymen "N" rejısserіnіń júgіngenіn naqtylaıdy.
"Onyń aryzy negіzіnde sotqa deıіngі tergeý bastaldy. Qosalqy merdіgerlіk jumystardy jetkіzýshі "Alashfilm" JShS bolyp tabyldy, onyń burynǵy dırektory azamat T. bolyp tabylady. Budan árі onyń buryn "Tursynovfılm" JShS aıasynda rejısser Tursynovtyń bıznes-serіktesі jáne serіgі bolǵany anyqtaldy. "Alashfilm" JShS-nyń burynǵy dırektory T-nyń qatysýymen kýáger mártebesіnde bіrqatar tergeý áreketterі júrgіzіldі. Tursynovtyń ózі tergeý organyna shaqyrylmaǵan. Qazіrgі ýaqytta atalǵan іs boıynsha eshkіm kúdіktі dep tanylǵan joq", delіngen habarlamada.