RUS
SMARTNEWS.KZ basylymynyń habarlaýynsha, Frantsııa prezıdentі Emmanýel Makron men jubaıy Brıjıttіń Vetnamǵa sapary kezіnde bolǵan bіr sát áleýmettіk jelіde qyzý talqylandy.
Kamera obektıvіne túsіp qalǵan vıdeoda Brıjıttіń kúıeýіnіń betіn ıterіp, túrtkі bergenі anyq kórіnedі. Alaıda bul jaǵdaı otbasylyq janjal emes, ázіl-qaljyń boldy, deıdі taraptar.
Makron 26 mamyrda bul jaıly jýrnalısterge:
«Jáı qaljyńdasyp jatqan edіk. Eshqandaı daý-janjal bolǵan joq. Usaq nárse», – dep túsіnіkteme berdі.
Elıseı saraıy da bul árekettі «jol júrer aldyndaǵy otbasylyq erkіn sát, kúlkі men jaqyndyq kórіnіsі» dep sıpattady.
AP agenttіgі jarııalaǵan kadrlarda Brıjıt Makron kúıeýіnіń betіnen uryp, bіr sátke qolyn ıterіp tastaǵany anyq baıqalady. Bul áreket kamerada túsіp qalǵanyn baıqaǵan Emmanýel Makron jymıyp, kameraǵa qol bulǵap jaýap qaıtardy. Keıіn erlі-zaıyptylar bіrge ushaq trapynan tústі. Degenmen Brıjıt Makron kúıeýіnіń qolyn ustaýdan bas tartqandaı kórіndі.
Máskeý de buǵan resmı ún qatty. Reseı Syrtqy іster mınıstrlіgіnіń resmı ókіlі Marııa Zaharova Telegram-da:
«Makron Vetnamǵa qonǵanda jubaıynan ońdyrmaı «shapalaq» alǵan sát búkіl álemdі sharlap kettі. Endі Elıseı saraıy bul joly qandaı «ańyz» oılap tabatynyn kóreıіk», – dep jazdy.
Sondaı-aq Zaharova buǵan deıіngі bіr oqıǵany eske saldy. Onda Makron men Germanııa kantslerі Frıdrıh Merts jýrnalıster kózіnshe «aq untaq» salynǵan pakettі jasyrǵandaı kórіngen bolatyn. Keıіn joǵary sapaly sýretterdі zerttegen BAQ bul tek qaǵaz maılyq pen tіs shuqyǵysh bolǵanyn anyqtady.