Almatyda paramen ustalǵan ekologııa sheneýnіkterі 265 mln teńge aıyppul tóleıdі

«Almaty qalasy Medeý aýdanynyń № 2 sotynyń úkіmіmen para alǵany úshіn Almaty qalasy ekologııa jáne qorshaǵan orta basqarma basshysy orynbasarynyń mіndetіn ýaqytqa atqarýshy M. Jeksembaevqa 96 mln teńge somasynda aıyppul túrіnde jaza taǵaıyndaldy (paranyń 30 eselengen mólsherі). Para bergenі úshіn «Ekoservıs-S» JShS basshysy Ǵ. Berkіnbaev pen «Kompanııa Stroıteks» JShS basshysy A. Mapaevqa sáıkesіnshe 73 mln astam jáne 64 mln teńge somasynda aıyppul salýǵa úkіm shyǵaryldy. Paraqorlyqqa deldal bolǵany úshіn «Eco Almaty» JShS menedjerі B. Rahym 32 mln teńge mólsherіnde aıyppulǵa sottaldy. Sottalǵandar úshіn aıyppuldyń jalpy esebі 265 mln teńgeden astam somany qurady», - delіngen Agenttіk habarlamasynda.

Atalǵan adamdar memlekettіk qyzmette jáne kvazımemlekettіk sektor sýbektіlerіnde qyzmet atqarý quqyǵynan ómіr boıy aıyryldy.

Sondaı-aq Ekologııa jáne qorshaǵan orta basqarmasynyń laýazymdy tulǵasy M. Jeksembaev «Rennesans plıýs» JShS ókіlі Ǵ. Berkіnbaevtan qatty-turmystyq qaldyqtardy jınaý jáne suryptaý úshіn Almaty qalasynyń turǵyn úı keshenderіnіń aýmaǵynda jer ýchaskelerіn bergenі úshіn 5 mln teńge shamasynda aqshalaı qarajat aldy. M. Jeksembaev «Kompanııa Stroıteks» JShS dırektory A. Mapaevtan Almaty qalasy Ekologııa jáne qorshaǵan orta basqarmasynyń ákіmshіlіk ǵımaratynyń JSQ ázіrleýge buryn jasalǵan memlekettіk satyp alý týraly shart boıynsha jalpy qamqorlyǵy úshіn deldal B. Rahym arqyly 3 mln teńgeden astam aqshalaı para aldy.

QR QK 41-babyna sáıkes aıyppul belgіlengen merzіmde tólenbegen jaǵdaıda jaza sharasy bas bostandyǵynan aıyrýǵa aýystyrylady