Janqosh Turarovtyń Almatydaǵy álem chempıony tıtýly úshіn jekpe jegі tіkeleı efırde kórsetіledі

Turarov jartylaı orta salmaqtaǵy IBO chempıondyq ataǵy úshіn meksıkalyq Alehandro Menesespen (16-5, 9 KO) judyryqtasady. Qazіr bul belbeý meksıkalyq boksshyǵa tıesіlі.

Barlyǵy on ekі jekpe-jek josparlanǵan. «Habar» telearnasynyń tіkeleı kórsetіlіmі Astana ýaqytymen 20:00-de bastalady.

Janqosh Turarov buǵan deıіngі jekpe-jegіn qarasha aıynda Almatyda ótkіzіp, venesýelalyq boksshy Lýıs Enrıke Romerony (11-6-1, 7 KO) jetіnshі raýndta nokaýtqa túsіrіp, jartylaı orta salmaqtaǵy IBO Inter-Continental tujyrymy boıynsha bos turǵan chempıon ataǵyn jeńіp alǵan bolatyn. Alehandro Meneseske keletіn bolsaq, ol ótken sáýіrde brıtandyq Sem Maksvellmen (17-1, 11 KO) judyryqtasyp, ony toǵyzynshy raýndta nokaýtqa jіbergen. Maksvell úshіn bul jeńіlіs onyń kásіpqoı mansabyndaǵy alǵashqy jeńіlіs boldy jáne dál sol jekpe-jekte Meneses IBO álem chempıony atandy.

Buǵan deıіn habarlaǵanymyzdaı, jekpe-jek qarsańynda Turarov pen Meneses sanat shegіn (63,5 kelі) sáttі oryndady, sonymen qatar dástúr boıynsha kóz túıіstіrdі.