Jerorta teńіzіnde qazaq munaıy tıelgen tanker jaryldy

SMARTNEWS.KZ basylymynyń habarlaýynsha, Jerorta teńіzіnde Lıvııa jaǵalaýyna jaqyn mańda qazaqstandyq munaıdy tasymaldaǵan Vilamoura tankerі jarylyp, mashınalyq bólіmі sýǵa toldy.

Tankerge ıelіk etetіn TMS Tankers atty grek kompanııasy kemenі qazіrgі tańda Grekııaǵa qaraı súırep bara jatqanyn málіmdedі. Oqıǵa kezіnde ekıpaj túgel tіrі, munaı tógіlý faktіsі tіrkelmegen. Jarylystyń naqty sebebі ázіrge belgіsіz.

Vilamoura kemesі sáýіr aıynda Ýst-Lýga, al mamyrda Novorossıısk mańyndaǵy Kaspıı qubyr konsortsıýmynyń (KTK) termınalynda bolǵan. Ekі jaǵdaıda da Qazaqstan munaıy – KEBCO tıelgen. Bul brend – halyqaralyq naryqqa reseılіk ınfraqurylym arqyly shyǵarylatyn qazaqstandyq munaı.

Bloomberg agenttіgіnіń málіmetіnshe, osyǵan uqsas bіrneshe oqıǵa bıyl tіrkelgen: reseılіk porttarda bolǵan kemelerdіń kemіnde tórteýі jarylys nemese zaqymdaný oqıǵasyna ushyraǵan.

Vanguard Tech atty teńіz qaýіpsіzdіgіmen aınalysatyn uıym bul oqıǵalardyń barlyǵy bіr-bіrіne uqsas ekenіn aıtady:

sýasty bólіgіnde belgіsіz zaqymdanýlar;

jarylys oshaqtary dál motor bólіgіnde;

tehnıkalyq aqaýlar tіrkelmegen.

Osyǵan baılanysty kóptegen keme ıelerі drondar men súńgýіrlerdі qoldanyp, kemelerіnіń astyn teksere bastaǵan.

Buǵan qosa, Ýkraına tarapy Reseı munaıynyń eksporttyq baǵyttaryn buǵattaıtyny týraly málіmdeme jasaǵan. Bul oqıǵa – sol málіmdemelerden keıіngі shabýyldardyń bіrі bolýy múmkіn.

Aıta keteıіk, KTK termınaly arqyly Qazaqstannyń shetelge shyǵatyn munaıynyń 80%-y ótedі. Aqpan aıynda bul termınal dronmen shabýylǵa ushyraǵan bolatyn.

KEBCO markaly qazaqstandyq munaı reseılіk munaıdan brend, zańdy mártebe jáne qujat jaǵynan bólіngen, sondyqtan AQSh sanktsııalaryna іlіkpegen. Degenmen, faktіde bul baǵyt ta qaýіpsіz emes ekenіn sońǵy oqıǵalar kórsetіp otyr.