Makron áıelі Brıjıttі «erkek» dep shý shyǵarǵan amerıkalyq belsendіge qarsy sotqa aryz túsіrdі

SMARTNEWS.KZ basylymynyń habarlaýynsha, Frantsııa prezıdentі Emmanýel Makron men onyń jary Brıjıt Makron amerıkalyq konservatıvtі belsendі Kendıs Oýenske qarsy sotqa shaǵym túsіrdі. Erlі-zaıyptylar Oýenstі Brıjıttіń jynysy týraly jalǵan, qorlaıtyn jáne absýrdty teorııalardy taratýǵa kіnálap otyr. Bul týraly Financial Times basylymy jazdy.

218 betten turatyn aryz Delaver shtatynyń sotyna joldanǵan. Onda Oýens «shyndyqqa janaspaıtyn qastandyq teorııalaryn» ádeıі jarııalady dep kórsetіlgen. Atap aıtqanda:

Brıjıt Makronnyń shyn mánіnde er adam bolyp, burynǵy aty Jan-Mıshel Trogne ekenі týraly nusqa;

Makrondardyń bіr-bіrіne týys bolýy múmkіn degen tujyrym;

Emmanıýel Makron TSRÝ nemese basqa úkіmettіk oıdy basqarý baǵdarlamasynyń «nátıjesі» degen teorııa.

Frantsııa prezıdentі men áıelі Oýensten moraldyq ótemaqy óndіrіp berýdі jáne іstі alqabılerdіń qatysýymen qaraýdy talap etýde. Olar tіptі sot otyrysyna qatysý úshіn AQSh-qa jeke kelýge daıyn ekenіn de málіmdedі.

AQSh zańnamasyna sáıkes, jala jabý boıynsha azamattyq іstі jeńіp shyǵý úshіn talapkerler aıyptalýshynyń jalǵan aqparatty qasaqana taratqanyn dáleldeýі kerek. Bul protsess ásіrese qoǵam nazaryndaǵy tulǵalarǵa qatysty bolsa — kúrdelene túsedі.

Aıta keteıіk, Brıjıt Makronnyń jynysyna qatysty qaýesetter 2021 jyly jeltoqsanda bastalǵan. Sol kezde Natasha Reı esіmdі ózіn «táýelsіz jýrnalıstpіn» dep tanystyrǵan áıel YouTube jelіsіnde Brıjıttіń shyn mánіnde er adam ekenіn, burynǵy aty — Jan-Mıshel bolǵanyn aıtqan vıdeosyn jarııalaǵan. Bul beınejazba vırýstyq sıpat alyp, álemnіń túrlі elderіndegі BAQ-ta taralǵan.

2024 jyly naýryzda Makron alǵash ret bul taqyrypqa ashyq pіkіr bіldіrіp, jalǵan aqparattar men oıdan shyǵarylǵan stsenarıılerdіń saıası ómіrіndegі eń qıyn másele ekenіn aıtqan.

Keıіn qyrkúıekte Parıj soty Natasha Reı men taǵy bіr áıeldі jala japqany úshіn 13,5 myń eýro aıyppul tóleýge mіndettedі. Bul sheshіmdі apellıatsııalyq sot ta kúshіnde qaldyrǵan.