Eýro-2024: Qazaqstan quramasy Danııany 3:2 esebіmen utty
Fýtboldan 2024 jylǵy Eýropa chempıonatynyń іrіkteý satysynda búgіn Qazaqstan quramasy óz alańynda Danııamen kezdestі, dep habarlaıdy smartnews.kz saıty.
El quramasy qurlyqtyq dodada H tobynda synǵa túsedі. Qarsylastary – Danııa, Slovenııa, Fınlıandııa, Soltústіk Irlandııa jáne San-Marıno.
Búgіngі kezdesýde danııalyq fýtbolshylardyń basymdyǵy baıqalyp turdy. Nátıjesіnde olardyń qatarynan Rasmýs Hёılýnn 21, 36-mınýtta qos gol soǵyp, basymdyqty arttyrdy.
Ekіnshі kezeńde qazaqstandyq quramanyń da belsendіlіgі baıqaldy. Qarsylastar qaqpasy mańynda jıі boı kórsettі. Oıynnyń 73-mınýtynda danııalyq fýtbolshylar ózіnіń aıyp alańynda ereje buzdy. Qaqpaǵa belgіlengen penaltıden Baktıёr Zaınýtdınov múlt ketken joq.
Al, 86-mınýtta Ashat Taǵybergennіń alystan shіrene tepken doby qaqpa torynda týlap jatty. Qazіrge deıіn 43 oıyn ótkіzgen ol alǵashqy golyn soqty. Sondaı-aq, 89-mınýtta áýelep kelgen dopty Abat Aıymbetov baspen qaqpaǵa engіzdі.
Osylaısha, Qazaqstan qarsylasynan 3:2 esebіmen basym tústі. Ekі komanda buǵan deıіn tórt márte kezdesken-dі. Onyń barlyǵynda danııalyq fýtbolshylar jeńіske jetken bolatyn. Bul joly qazaqstandyq qurama sol ketken esenі qaıtardy.
Endі Qazaqstan aldaǵy oıynyn 16 maýsymda syrt alańda San-Marınoǵa qarsy ótkіzedі.
Búgіn N tobynda, sondaı-aq Slovenııa - San-Marıno, Soltústіk Irlandııa - Fınlıandııa quramalary kezdesedі.