RUS
«Implanttalatyn kardıostımýlıatsııa jáne defıbrıllıatsııa júıesі» jobasy Astanada ótken baıqaýda I oryn aldy. Jumysty sáttі qorǵaǵany úshіn Aldııar Naqypqa Qazaqstan-Brıtan tehnıkalyq ýnıversıtetіnіń granty berіldі.
«Bіzdіń qurylǵy terі astyna ımplantatsııalanady, al elektrodtar qan tamyrlary arqyly júrekke ornatylady. Qurylǵy aýrýdyń túrіn bіrden anyqtaıdy jáne arnaıy elektrlіk ımpýlstardy jіberedі. Bul ımpýlstar júrek bulshyqetterіne áser etedі, olardyń jumysyn tejeıdі nemese tezdetedі», - dedі ol.
Kardıostımýlıatsııa jáne defıbrıllıatsııa júıesі tahıkardııany, bradıkardııany jáne qarynshalar fıbrıllıatsııasyn emdeýge kómektesedі.
Oqýshy atalǵan jobany Nazarbaev zııatkerlіk mektepterіnіń Naýryz kezdesýlerіnde tanystyrdy. Bıylǵy jyly bıomedıtsına, ınjenerııa jáne tehnologııalar baıqaýyna 6 sektsııada 100-ge jýyq joba qatysqan. Qaraǵandylyq oqýshylardyń jumysy «Aqyldy» protezder men olardyń elementterіn jasaý» sanatynda úzdіk dep tanyldy.
Al, Qaraǵandy NIS-tіń taǵy bіr oqýshysy Ulan Mustafın «Adam aǵzasynyń fýnktsıonaldyq jaı-kúıіn monıtorıngіleýge arnalǵan apparattyq-baǵdarlamalyq quraldar» sektsııasynda 3-oryndy ıelendі.
Naýryz kezdesýlerіnde qaraǵandylyq oqýshylar bes jobany usyndy. Olardyń arasynda «Aıaq-qoldary ártúrlі adamdarǵa arnalǵan robottalǵan taban», «Sіńdіrý ádіsіmen bіrіktіrіlgen dárіlіk gıdrogel», «Búkіrlіkpen kúresýge arnalǵan Postrue qurylǵysy jáne mobıldі qosymshasy» bar.