Shavkat Rahmonovtyń áıelі men uly jol apatyna ushyrady: Ekі adam qaza tapty
Jambylda іrі jol apaty boldy.
SMARTNEWS.KZ basylymynyń habarlaýynsha, 27 shіlde, jeksenbі kúnі UFC jekpe-jekshіsі Shavkat Rahmonovtyń jubaıy jol apatyna túsіp, saldarynan ekі adam kóz jumdy. Bul týraly Halyqstan Telegram arnasy jazdy.
Oqıǵa Jambyl oblysy, Moıynqum aýdanyndaǵy Almaty – Ekaterınbýrg tasjolynyń 296-shaqyrymynda, Aqsýıek aýyly mańynda bolǵan. Aldyn ala málіmet boıynsha, Gúlaıym Rahmonova kólіk tіzgіnіnde ózі otyryp, Qaraǵandydan Almatyǵa bet alǵan. Jol boıynda ol Toyota Land Cruiser kólіgіnіń basqarýyn ıgere almaı, temіr tulpar aýdarylyp ketken.
Apat saldarynan:
39 jastaǵy jolaýshy Z.A. oqıǵa ornynda mert boldy,
35 jastaǵy A.S. aýdandyq aýrýhanaǵa jetpeı kóz jumdy.
Gúlaıym Rahmonova men uly Shý qalasyna jetkіzіlіp, qalalyq aýrýhananyń travmatologııa bólіmіne jatqyzyldy. Dárіgerler olardyń jaǵdaıyn ortasha aýyr dep baǵalap otyr.
«Ota qajet emes. Qazіr naýqastar dárіgerlerdіń baqylaýynda», – delіngen medıtsınalyq mekeme taratqan aqparatta.
Polıtsııa Jol qozǵalysy erejelerіn buzyp, ekі nemese odan da kóp adamnyń ólіmіne sebep bolý babymen sotqa deıіngі tergep-tekserýdі bastady. Tergeý múddesіne baılanysty basqa derekter jarııalanbaı otyr.
Material avtory
