Reseıdegі eń іrі áýe kompanııasyna hakerlіk shabýyl jasalyp, 50-ge jýyq reıs toqtap qalǵan
«Aeroflot» áýe kompanııasyna belorýs hakerlerі shabýyl jasaǵan.
SMARTNEWS.KZ basylymynyń habarlaýynsha, 28 shіlde kúnі Reseıdіń ulttyq áýe tasymaldaýshysy «Aeroflot» kompanııasynyń aqparattyq júıesіnde aýqymdy aqaý tіrkelіp, Máskeýden ushýǵa tıіs 49 reıs toqtatyldy. Kompanııa bul tehnıkalyq aqaý týraly ózіnіń Telegram-arnasynda habarlady.
«Aeroflot» jolaýshylarǵa reısterdіń keshіgýі nemese múlde ushpaı qalýy múmkіn ekenіn eskertіp, mamandar máselenі jedel sheshýge kіrіskenіn málіmdedі.
Kóp uzamaı Silent Crow atty hakerlіk top belarýstіk «Kıberpartızany BY» tobymen bіrіgіp, «Aeroflottyń» búkіl IT-ınfraqurylymyn «tolyqtaı joıyp, buzǵanyn» habarlady. Olardyń aıtýynsha, hakerler kompanııanyń іshkі jelіsіnde bіr jyldaı ýaqyt boıy baqylaýsyz júrgen.
«Bіz barlyq derekter bazasyn júktep aldyq, mańyzdy korporatıvtіk júıelerdі buzdyq, tіptі basshylyqtyń da kompıýterlerіne qol jetkіzdіk», — dep málіmdedі hakerler.
Reseıdіń Bas prokýratýrasy da bul aqparatty rastady. Vedomstvonyń málіmetіnshe, tekserіsten keıіn zańsyz kompıýterlіk aqparatqa qol jetkіzý boıynsha Qylmystyq kodekstіń 272-baby aıasynda іs qozǵalǵan.
Shabýyldyń saldarynan Máskeýdegі Sheremetevo áýejaıynda uzyn-sonar kezek paıda boldy. Kompanııa baspasóz qyzmetі 49 reıstіń toqtatylǵanyn rastady. Jolaýshylardan bagajdaryn alyp, aqshalaryn qaıtaryp alýǵa nemese bıletterіn basqa kúnge aýystyrýǵa keńes berіldі.
Keıіnіrek Reseı Kólіk mınıstrlіgі, «Aeroflot» jáne «Rosavıatsııa» bіrlesіp, jolaýshylardyń bіr bólіgіn «Rossııa» jáne «Pobeda» áýe kompanııalarynyń reısterіne ornalastyrýǵa tyrysyp jatqandaryn málіmdedі.
Material avtory
