Endі sotta ChatGPT-degі hattar jarııa etіlýі múmkіn
OpenAI bas dırektory málіmdeme jasady.
SMARTNEWS.KZ basylymynyń habarlaýynsha, OpenAI bas dırektory Sem Altman ChatGPT-pen bolǵan suhbattar sot sheshіmі boıynsha jarııa etіlýі múmkіn ekenіn málіmdedі. Bul týraly ol sheteldіk BAQ-qa bergen suhbatynda aıtty.
Altmannyń sózіnshe, sońǵy ýaqytta adamdar ChatGPT-tі psıhoterapevt, laıf-koých nemese jeke keńesshі retіnde jıі paıdalana bastaǵan. Alaıda bul áńgіmeler dárіgerlіk qupııamen qorǵalmaıdy jáne sottyń talaby boıynsha ashylýy múmkіn.
«Eger sіz ózіńіzdіń eń qupııa nárselerіńіzdі ChatGPT-ke aıtyp, keıіn qandaı da bіr sot іsі týyndasa, bіzden ol jazbalardy usyný talap etіlýі múmkіn», — dedі Altman.
Sonymen qatar, ol jasandy ıntellektpen bolǵan dıalogtar da psıhoterapevtpen áńgіme sekіldі qupııalyqpen qorǵalýy kerek degen pіkіrіn bіldіrdі. Onyń aıtýynsha, bul quqyqtyq ustanym múmkіndіgіnshe tezіrek engіzіlýі tıіs.
OpenAI erejelerіne sáıkes, paıdalanýshylardyń joıylǵan chattary 30 kún іshіnde tolyǵymen óshіrіledі. Bіraq zań talaptary nemese qaýіpsіzdіk sebepterі bolǵan jaǵdaıda, kompanııa olardy saqtap qalýy múmkіn.
Material avtory
