«Qyzyma qyryndady» – Balqashtaǵy balany azaptaǵan kúdіktі kerі aryz jazdy
8 jasar balany «Qazaqmys» qyzmetkerі qatygezdіkpen urǵany aıtylǵan edі.
SMARTNEWS.KZ basylymynyń habarlaýynsha, Balqashta 8 jastaǵy balany qatygezdіkpen uryp-soǵý іsіne kúdіktі er adam qamaýǵa alyndy. Alaıda ol da qarsy aryz túsіrdі. Bul týraly Qaraǵandy oblystyq polıtsııa departamentіnіń baspasóz qyzmetі málіm ettі.
Kúdіktі ýaqytsha ustaý ızolıatoryna qamalǵan. Sonymen bіrge, qazіrgі ýaqytta polıtsııa onyń óz aryzy boıynsha da tekserý júrgіzіp jatyr. Er adam balany «óz qyzymen ádepsіz áreket jasaýǵa tyrysty» dep aıyptap otyr.
— Barlyq nusqalar men taraptardyń ýájderі tekserіlýde. Tergeý múddesіne baılanysty basqa aqparat jarııalanbaıdy, — dedі departament ókіlderі.
Osy oqıǵaǵa baılanysty jaqynda Balqash turǵyny Mádına Dosymbekova áleýmettіk jelіde vıdeoúndeý jarııalap, 8 jasar ulyn eresek er adam — «Qazaqmys» qyzmetkerі — qatygezdіkpen urǵanyn málіmdedі.
Onyń aıtýynsha, kúdіktіnіń quqyq qorǵaý organdarynda, aýrýhanada jáne ózge de memlekettіk mekemelerde baılanystary bar. Sol sebeptі іstі jaýyp tastaýǵa áreket jasalyp jatyr dep qaýіptenedі.
Mádına jurtshylyqtan qoldaý surap, іstіń ádіl tergelýіn talap ettі.
Material avtory
