Eýropadaǵy úsh el Ýkraına úshіn 500 000 000 dollar kómek jınap berdі
Soltústіk Eýropa elderі Ýkraınaǵa áskerı kómek jarııalady.
SMARTNEWS.KZ basylymynyń habarlaýynsha, Danııa, Norvegııa jáne Shvetsııa Ýkraınaǵa arnap quny 500 mıllıon dollar bolatyn jańa áskerı kómek paketіn usynatynyn málіmdedі. Bul paket NATO-nyń AQSh-pen bіrlesken jańa bastamasy — Priority Ukraine Requirements List (PURL) baǵdarlamasy aıasynda jetkіzіledі.
Kómekke Ýkraına qarýly kúshterіne arnalǵan tehnıka men oq-dárіler kіredі. NATO baspasóz qyzmetіnіń málіmetіnshe, bul – odaqtyń Ýkraınaǵa júıelі túrde kómek kórsetýge baǵyttalǵan alǵashqy qadamdarynyń bіrі.
Atalǵan úsh eldіń bul sheshіmі Nıderlandtyń bastamasynan keıіn qabyldandy. Aıta keteıіk, Nıderland — PURL baǵdarlamasy aıasyndaǵy alǵashqy kómek paketіn tolyq qarjylandyrǵan alǵashqy NATO múshesі.
Jalpy alǵanda, qazіrgі tańda PURL bastamasy boıynsha jınalǵan qarajat 1 mıllıard dollardan asyp jyǵylady. Bul qarajat Ýkraınaǵa jetkіzіletіn alǵashqy ekі kezeńdіk kómektі qamtıdy.
Ýkraına prezıdentі Vladımır Zelenskıı bul qoldaýdy joǵary baǵalap, Telegram-arnasynda:
«Bul Amerıka men Eýropa arasyndaǵy qaýіpsіzdіk salasyndaǵy yntymaqtastyqty kúsheıtýge úlgі bolmaq», — dep jazdy.
NATO-nyń resmı saıtynda jarııalanǵandaı, PURL baǵdarlamasy aıasynda Ýkraınaǵa soǵys jaǵdaıynda eń qajet dep tanylǵan qarý-jaraq pen oq-dárіlerdіń kezeń-kezeńіmen jetkіzіlýі kózdelgen. Árbіr kómek paketі shamamen 500 mıllıon dollardy quraıdy.
Buǵan deıіn Zelenskıı men AQSh prezıdentі Donald Tramp telefon arqyly sóılesіp, Ýkraınadaǵy jaǵdaı men qoldaý tetіkterіn talqylaǵan edі.
Material avtory
