Shymkent ákіmdіgі: «Turǵyn úı-Shymkent» JShS-de qarjy jymqyrý deregі dáleldengen joq
Shymkent ákіmdіgі 3,4 mlrd teńgege qatysty qaýesetke núkte qoıdy.
SMARTNEWS.KZ basylymynyń habarlaýynsha, Shymkent qalasy ákіmdіgі qala ákіmіnіń orynbasary Rýslan Berdenovke jasalǵan qastandyq pen kópqabatty úılerdіń kúrdelі jóndeý jumystary arasynda baılanys joq ekenіn málіmdedі.
Áleýmettіk jelіlerde «Turǵyn úı-Shymkent» JShS-nіń burynǵy basshysy Ernar Jıembaı men Berdenov arasyndaǵy janjal 3,4 mlrd teńge kólemіndegі qarjyǵa baılanysty týyndaǵany aıtylǵan edі. Alaıda Berdenov tergeý barysynda ol tarappen eshqandaı jumys babyndaǵy kelіspeýshіlіk bolmaǵanyn, tek tapsyrmalardyń oryndalý barysyn suraǵanyn jetkіzgen.
Ákіmdіk málіmetіnshe, kompanııa qyzmetіn tekserý úshіn Ishkі memlekettіk aýdıt departamentіne hat joldanǵan. Tekserý barysynda atqarylǵan іsterdіń sapasy, smetalyq qujattarǵa sáıkestіgі jáne bıýdjet qarjysynyń tıіmdі jumsalýy qaralady.
TKSh jańǵyrtý baǵdarlamasy aıasynda «Turǵyn úı-Shymkent» JShS-ne:
— 2023 jyly — 1 mlrd teńge,
— 2024 jyly — 1,4 mlrd teńge,
— 2025 jyly — 1,9 mlrd teńge bólіngen.
Bıyl 22 úıdі jóndeý josparlanǵan, onyń 15-і aıaqtalǵan. Merdіgerlerdі tańdaý jáne jumystardy qabyldaý úı keńesterіnіń qatysýymen júrgіzіledі.
Ákіmdіk kompanııamen kelіsіmshartty buzý josparlanbaıtynyn, barlyq merdіger burynǵy kelіsіmder boıynsha jumysyn jalǵastyra beretіnіn habarlady.