Tájіkstan prezıdentіnіń 27 jastaǵy qyzy Densaýlyq mınıstrlіgіnde basshylyq qyzmetke taǵaıyndaldy
Emomalı Rahmonnyń kenje qyzy mańyzdy qurylymdy basqarmaq.
SMARTNEWS.KZ basylymynyń habarlaýynsha, Tájіkstan prezıdentі Emomalı Rahmonnyń kenje qyzy Farzona Emomalı eldіń Densaýlyq saqtaý mınıstrlіgіnіń mańyzdy qurylymdarynyń bіrіn basqarýǵa keldі. Ol reformalar, alǵashqy medıtsınalyq-sanıtarlyq kómek jáne halyqaralyq baılanystar basqarmasynyń bastyǵy bolyp taǵaıyndaldy.
27 jastaǵy Farzona Emomalı — Tájіk memlekettіk medıtsına ýnıversıtetіnіń emdeý fakýltetіn támamdaǵan. Keıіn pedıatrııa mamandyǵy boıynsha ordınatýradan ótken. 2023 jyly Prezıdent janyndaǵy Memlekettіk basqarý akademııasyn bіtіrgen. Ol mınıstrlіktegі jańa qyzmetіne deıіn osy basqarmada 2021 jyldan berі maman bolyp jumys іstep kelgen.
Prezıdenttіń qyzy — Tájіkstan halyq-demokratııalyq partııasynyń múshesі. Mınıstrlіktіń resmı habarlamasynda onyń turmys qurmaǵany jáne jalǵyz bala tárbıelep otyrǵany aıtylǵan.
Alaıda, «Azattyq» radıosynyń tájіk qyzmetіnіń deregіnshe, Farzona 2022 jyly sol kezdegі bas prokýror IÝsýf Rahmonnyń uly Safarhon Rahmonǵa turmysqa shyqqan. 2025 jyly Safarhon Rahmon qyzmetіnen bosatylǵan.
Aıta keteıіk, Ortalyq Azııada bılіk elıtasynyń balalary memlekettіk qurylymdarda joǵary qyzmetterge jıі taǵaıyndalady. 2024 jyldyń sońynda Túrіkmenstannyń burynǵy prezıdentі Gýrbangýly Berdymuhamedovtіń qyzy Oǵyldjaһan Atabaeva ákesіnіń atyndaǵy qaıyrymdylyq qorynyń emdeý іsі jónіndegі vıtse-prezıdentі boldy. Sol jyly Ózbekstan prezıdentі Shavkat Mırzıёevtіń kenje qyzy Shahnoza eldіń Ulttyq paralımpıadalyq komıtetі tóraǵasynyń orynbasary qyzmetіne saılandy.
Material avtory
