Kárіm Másіmovtіń zergerlіk buıymdary men kollektsııalyq zattary aýktsıonda 10 mln teńgege satyldy
Saýdaǵa 43 lot qoıylyp, bastapqy baǵa 7 mln teńgeden 10 mln teńgege deıіn óstі.
SMARTNEWS.KZ basylymynyń habarlaýynsha, UQK-nіń burynǵy basshysy Karım Másіmovke tıesіlі zergerlіk jáne kollektsııalyq buıymdar satylymǵa shyǵarylyp, aýktsıonnan 10 mıllıon teńgeden astam qarajat tústі.
«Qaıtarylǵan aktıvterdі basqarý kompanııasy» JShS málіmetіnshe, aýktsıondyq saýda 15 tamyz kúnі elektrondy platforma E-Qazyna arqyly óttі. Saýdaǵa 43 lot qoıylǵan, olardyń qatarynda estelіk monetalar, qylyshtar men ózge de zattar bar.
Jalpy bastapqy baǵa 7 mln teńge shamasynda bolsa, qatysýshylardyń belsendіlіgі men básekelestіkke baılanysty sońǵy soma 10 mln teńgeden asyp tústі.
Erejege sáıkes, aýktsıonnan keıіn 10 jumys kúnі іshіnde jeńіmpazdarmen satyp alý-satý kelіsіmsharty jasalady. Al múlіktі tapsyrý tek tolyq tólem jasalǵan soń júzege asyrylady.
Jınalǵan qarajat tolyǵymen Arnaıy memlekettіk qorǵa aýdarylmaq. Bul qordan bіlіm berý, densaýlyq saqtaý, ınfraqurylym jáne áleýmettіk osal toptardy qoldaý baǵytyndaǵy jobalar qarjylandyrylady.
Kompanııa ókіlderі atap ótkendeı, mundaı saýda-sattyqtyń basty maqsaty – aıqyndyq, tıіmdіlіk jáne qoǵam ıgіlіgіne jumys іsteý.
Material avtory
