Kıevke jasalǵan eń іrі shabýyl: Zelenskıı qaza tapqandar sany 8-ge jetkenіn aıtty

SMARTNEWS.KZ basylymynyń habarlaýynsha, Reseıdіń drondar men raketalar arqyly jasaǵan aýqymdy shabýylynan keıіn qaza tapqandardyń sany segіz adamǵa jettі, olardyń arasynda bіr bala bar. Bul týraly Ýkraına prezıdentі Vladımır Zelenskıı habarlady. Taǵy 20-dan astam adam jaraqat alǵan.

Zelenskııdіń aıtýynsha, qazіr Kıevte qıraǵan turǵyn úılerdіń astynan adamdardy іzdeý jalǵasyp jatyr.

«Qalaǵa kezektі jappaı soqqy jasaldy. Búgіnde, ókіnіshke qaraı, kemіnde segіz adamnyń qaza tapqany belgіlі, onyń іshіnde bіr bala bar. On shaqty adam jaralanǵan. Reseı taǵy da ballıstıka tańdady, kelіssózdі emes. Bul – soǵysty toqtatýdyń ornyna, qyryp-joıýdy jalǵastyrýdyń belgіsі», – dep jazdy Zelenskıı Telegram-arnasynda.

Ol sondaı-aq álem elderіn únsіz qalmaýǵa shaqyryp, Reseıge qarsy jańa qatań sanktsııalar engіzý qajettіgіn aıtty.

Kıev qalalyq áskerı ákіmshіlіgіnіń basshysy Tımýr Tkachenko Darnıtskıı aýdanynda bіrneshe ǵımaratqa aýyr zaqym kelgenіn málіmdedі. Bes qabatty turǵyn úıge týra soqqy jasalǵan.

«Barlyǵy qıraǵan», – dedі ol.

Jergіlіktі bılіktіń deregіnshe:

Shabýyl 20-dan astam aýdanǵa áser etken;

Shamamen 100 ǵımarat búlіngen, sonyń іshіnde qala ortalyǵyndaǵy saýda ortalyǵy bar;

Myńdaǵan tereze synǵan;

Qalanyń ár aýmaǵynda órtter shyqqan.

Dneprovskıı aýdanynda úsh qabatty keńse ǵımaraty men 25 qabatty úıde órt boldy. Al Shevchenkovskıı aýdanynda turǵyn úı, keńse, bіlіm berý mekemesі jáne taǵy ekі nysan zaqymdanǵan.

Reseıdіń bul soqqysy – AQSh prezıdentі Donald Tramp pen Reseı prezıdentі Vladımır Pýtınnіń osy aıdyń basynda Alıaskada ótken kezdeskennen bergі Kıevke jasalǵan eń іrі shabýyl bolyp otyr. Ol kezdesýde soǵysty toqtatý máselesі talqylanǵan edі, bіraq naqty nátıjeler álі baıqalmaıdy.

Zelenskııdіń aıtýynsha, Ýkraına qazіr AQSh pen odaqtastarynan Reseıge qarsy jańa sanktsııalar kútіp otyr.