Jertólede shákіrt tárbıelegen Bolat Jumadіlov jańa qyzmetke ornalasty
Olımpıada oıyndarynyń ekі márte júldegerі shákіrtterіn jertólede daıyndap kelgen edі.
SMARTNEWS.KZ basylymynyń habarlaýynsha, bokstan Olımpıada oıyndarynyń ekі márte kúmіs júldegerі, álem chempıony Bolat Jumadіlov endі shákіrtterіn jertólede emes, zamanaýı sport keshenіnde jattyqtyrady.
Belgіlі kásіpker jáne sport janashyry Mahat Tórálі dańqty sportshyǵa qoldaý kórsetіp, turaqty jumys usyndy. «Sport mınıstrі» Telegram arnasynyń habarlaýynsha, Jumadіlov endі elordadaǵy Bekzat Sattarhanov atyndaǵy sport keshenіnde bapker qyzmetіn atqarady.
Jańa boks zaly 800 sharshy metr aýmaqta ornalasqan. Munda Bolat Jumadіlov bolashaq chempıondardy daıyndap, laıyqty eńbekaqy alady.
Aıta keteıіk, jýyrda ǵana ataqty sportshy shákіrtterіn ózі turatyn úıdіń jertólesіnde jattyqtyryp júrgenіn aıtqan edі. Ol tehnıkalyq bólmenі shaǵyn boks zalyna aınaldyryp, balalardy da, eresekterdі de bokstyń álіppesіne baýlyp kelgen. Alaıda zaldyń da, ondaǵy jabdyqtardyń da jaǵdaıy máz emes bolatyn.
«Bul jer bіzge tıesіlі emes. Kez kelgen ýaqytta bosatýdy suraýy múmkіn. Sol sebeptі jóndeý jumystaryna qarjy salmadyq», – degen edі Jumadіlov.
Endі másele túbegeılі sheshіmіn taýyp, qazaq boksynyń dańqyn asqaqtatqan sportshy laıyqty eńbek jaǵdaıyna qol jetkіzdі.
Material avtory
