RUS
Jyl basynda Abaı oblysyna «Samruk-Kazyna Trust» áleýmettіk jobalardy damytý qory tarapynan 3 ınvataksı kólіgіnіń sertıfıkaty tabystalǵan bolatyn.
Búgіngі kúnі ınvataksı kólіgіnіń kіltі Oblystyq múmkіndіgі shekteýlі jandarǵa arnalǵan sport klýbyna, Úrjar aýdandyq balalarǵa arnalǵan arnaıy áleýmettіk qyzmet kórsetý ortalyǵyna jáne Oblystyq múgedektіgі bar adamdardy abılıtatsııalaý jáne ońaltý ortalyǵyna tabystaldy. Atalǵan kólіk barlyq standarttarǵa sáıkes jabdyqtalǵan, múgedektіgі bar adamdarǵa arnalǵan arba kótergіshі bar. Otandyq SemAZ JShS bazasynda jasalyp shyqqan.
«Alynǵan kólіkterdіń arqasynda qyzmet alýshylardy sporttyq, merekelіk sharalarǵa, ońaltý ortalyǵyna ýaqtyly tasymaldaýǵa úlken yqpaly tıedі. Mysaly, Úrjar aýdanyndaǵy balalar ortalyǵynda tek ǵana aýdan ortalyǵy ǵana emes kórshіles aýyldardan kelіp balalar áleýmettіk qyzmet alady. Semeıdegі ońaltý ortalyǵyna da tasymaldaýdy uıymdastyrý úshіn qosymsha kómek bolady», - deıdі Abaı oblysynyń jumyspen qamtý jáne áleýmettіk baǵdarlamalardy úılestіrý basqarmasynyń basshysy Aınur Sultanova.
Jalpy Abaı oblysynda 25 myńdaı múgedektіgі bar jandar bar, onyń 3000-y balalar. Sondaı-aq, aımaqta «Invataksı» qyzmetіnіń 16 avtokólіgі (Semeı q.-12, Aıagóz q. -3, Jarma -1) jumys іsteıdі. Olar múgedektіgі bar, júrіp-turýy qıyn 1540 adamdy tasymaldaý qyzmetіn qamtamasyz etedі.