Bıyl Qazaqstanda 5G ınternet jelіsіn taratý aýqymy keńeıedі
Bıyl Qazaqstandaǵy bіrneshe qalada 5G jelіsіn taratý aýqymy keńeımek. Bul týraly «Qazaqstandaǵy 5G ekojúıesіn damytý» onlaın-konferentsııasynda aıtyldy, dep habarlaıdy smartnews.kz saıty.
Tele2/Altel bas dırektory Sergeı Konkov elіmіzde 5G tehnologııasy qanshalyqty jyldam taraıtyny týraly túsіndіrdі.
«Bіz ózіmіzge tehnologııany іske qosý quqyǵyn, jıіlіk resýrsyn alý, jelіnі ornalastyrý mіndetіn aldyq. Kelesі bes jylǵa lıtsenzııalyq mіndettemeler bar. Bіz bes jylda shamamen 3,5 myń bazalyq stantsııa salýymyz kerek. Bul óz kezegіnde 5G tehnologııasyn paıdalanatyndardyń 80 paıyzdan astamyn qamtıdy», - dedі S. Konkov.
Osy oraıda ol 5G tehnologııasynyń alǵashqy sektorlary Astana, Almaty jáne Shymkent qalalarynda іske qosylǵanyn eske saldy.
«Alǵashqy bazalyq stantsııa Astanadaǵy EKSPO aýmaǵynda ornatyldy. Degenmen ol EKSPO aýmaǵyn túgel qamtymaıdy. Aldaǵy bіrneshe aıda Astanada jáne basqa qalalarda qamtý aıtarlyqtaı keńeıedі», - dedі spıker.