Ózbekstanda úılený toıyna 200 qonaqtan artyq shaqyrýǵa tyıym salyndy
Tіptі toıda aqsha shashýdyń ózі qylmys bolmaq.
SMARTNEWS.KZ basylymynyń habarlaýynsha, Ózbekstan bılіgі ótken jyly qabyldanǵan qaýlyny resmı túrde bekіttі. Endі eldegі úılený toılaryna 200 adamnan artyq shaqyrýǵa bolmaıdy. Bul týraly Lex.uz portaly jetkіzdі.
Qujatqa sáıkes, toıǵa shaqyrylatyn qonaqtar sany 200-men shekteledі, al dástúrlі palaý basy sııaqty sharalarǵa – 250 adamǵa deıіn ruqsat. Eger qosarlanǵan toı nemese ekі palaý berý rásіmі uıymdastyrylsa, eń kóbі 250 jáne 300 qonaqqa jol berіledі.
Sonymen qatar, qujatta shamadan tys shyǵynǵa aparatyn ádet-ǵuryptarǵa da shekteý qoıylǵan. Máselen, aqsha men mata taratýǵa tyıym salyndy. Bılіk mundaı shyǵyndar kóp jaǵdaıda otbasylarǵa aýyr qarjylyq salmaq túsіretіnіn aıtady.
Úkіmettіń negіzgі maqsaty – qonaq sanyn qadaǵalaý emes, halyqtyń negіzsіz shyǵynǵa urynbaýyn qamtamasyz etý. Bul shara «Ratsıonaldy tutyný» baǵdarlamasy aıasynda qabyldanyp, іs-sharalardy baqylaý men sapaly ónіmmen qamtýǵa baǵyttalǵan.
Aıta keteıіk, bes jyl buryn da Ózbekstan parlamentі toıdaǵy qonaq sanyn shekteý týraly qaýly qabyldaǵan bolatyn. Alaıda jergіlіktі jýrnalısterdіń aıtýynsha, ol ereje іs júzіnde oryndalmaǵan.
Material avtory
