Baǵany tejeýdіń jańa amaldary: Úkіmet qymbatshylyqqa qarsy josparlaryn jarııalady
Qazaqstanda aldaǵy jyly qymbatshylyq kúsheıýі múmkіn. 1 qańtardan bastap kúshіne enetіn jańa Salyq kodeksі baǵaǵa 2,5–3 paıyzǵa deıіn áser etýі yqtımal. Bul týraly Saýda jáne ıntegratsııa mınıstrі Arman Shaqqalıev habarlady. Onyń aıtýynsha, salyq salý tásіlіnіń ózgerýі keıbіr taýarlar men qyzmetterdіń qunyn bіrden kóterіp jіberedі.
Memleket baǵanyń kúrt sekіrmeýі úshіn túrlі shara qoldanbaq. Qazіr áleýmettіk mańyzy bar azyq-túlіk baǵasyn ustap turýǵa jáne jármeńkeler ótkіzýge basymdyq berіlіp otyr. Sondaı-aq úkіmet kásіporyndarǵa baǵany negіzsіz ósіrmeý jónіnde talap qoıady. Degenmen syrtqy naryqtaǵy qubylýlar men іshkі deldaldardyń áreketі baǵaǵa qysym jasaýdy jalǵastyryp keledі.
Ulttyq statıstıka bıýrosynyń deregіnshe, 2025 jyldyń ekіnshі toqsanynda qazaqstandyqtardyń ortasha shyǵyny 1,02 mln teńgenі quraǵan, onyń 91 paıyzy tutynýshylyq maqsattarǵa jumsalǵan. Ár otbasy tamaqqa aı saıyn shamamen 180 myń teńge shyǵyndaıdy. Sarapshylar tabystyń baıaý ósіp, jınaqqa múmkіndіk azaıyp otyrǵanyn aıtady.
Baǵanyń negіzsіz kóterіlýіndegі basty sebepterdіń bіrі — deldaldar. Aýyl sharýashylyǵy mınıstrі Aıdarbek Saparovtyń sózіnshe, et jetkіlіktі bolǵanymen, aradaǵy alypsatarlar baǵany qoldan ósіredі: keıbіr jaǵdaıda maldy 3 200 teńgeden satyp alyp, nebárі bіr saǵatta 3 800 teńgeden satady. Mınıstrlіk Saýda jáne ıntegratsııa mınıstrlіgіmen bіrlesіp bul tetіktі shekteýdі kózdep otyr.
Kommýnaldyq qyzmet tarıfterі de aldaǵy jyldary qymbattaýy múmkіn. Úkіmet energetıka men ınfraqurylymdy jańǵyrtýǵa 13 trıllıon teńge bólýdі josparlap otyr, onyń 6,8 trıllıony tozyǵy jetken jelіlerdі aýystyrýǵa baǵyttalady. Ulttyq ekonomıka vıtse-mınıstrі Arman Qasenov tarıfterdі alty jyl іshіnde kezeń-kezeńіmen kóterý arqyly tutynýshylarǵa túsetіn salmaqty jeńіldetýdі josparlap otyrǵanyn jetkіzdі. Bıyl jyl sońyna deıіn tarıfter ózgermeıdі.
Ekonomısterdіń aıtýynsha, baǵanyń kóterіlýі bıýdjet kіrіsіn arttyryp, ınfraqurylym men qyzmet sapasyn jaqsartýǵa múmkіndіk berýі tıіs. Degenmen jaһandyq naryqtaǵy ózgerіster Qazaqstan ekonomıkasyna áserіn jalǵastyrady.
Avtory Serіk Aldan