Frantsııanyń burynǵy prezıdentі bes jylǵa sottaldy
Sarkozı jemqor dep aıyptalǵan edі.
SMARTNEWS.KZ basylymynyń habarlaýynsha, Frantsııanyń burynǵy prezıdentі Nıkolıa Sarkozı «lıvııalyq qarjylandyrý» іsі boıynsha qylmystyq top qurdy degen aıyppen bes jylǵa bas bostandyǵynan aıyryldy.
Sot Sarkozıge taǵylǵan tórt aıyptyń úsheýі boıynsha – passıvtі sybaılas jemqorlyq, memlekettіk qarajatty ıemdený jáne saılaýaldy naýqandy zańsyz qarjylandyrý derekterі boıynsha aqtady. Alaıda naýqan shyǵyndaryn jasyrý maqsatynda qylmystyq top qurdy degen aıyppen kіnálі dep tapty.
Buǵan deıіn prokýratýra jetі jyl túrme jazasyn suraǵan edі. Al Sarkozı ózіne taǵylǵan aıyptardy on jyldan astam ýaqyt boıy úzіldі-kesіldі joqqa shyǵaryp, іstіń saıası astary bar ekenіn alǵa tartqan.
Tergeý derekterіne sáıkes, 2007 jylǵy prezıdenttіk saılaý aldynda ol Lıvııa basshysy Mýammar Kaddafıden shamamen 50 mıllıon eýro kólemіnde qarjy alǵan. Bul qarajat 2006 jyldyń sońynda nemese 2007 jyldyń basynda berіlgen bolýy múmkіn.
Iste basty aıyptaýshy retіnde lıvan-frantsýz kásіpkerі Zııad Takıeddın kórsetіlgen edі. Ol 2016 jyly Sarkozıge Trıpolıden 5 mıllıon eýro qolma-qol jetkіzgenіn málіmdegen, bіraq 2020 jyly sózіnen bas tartqan.
23 qyrkúıekte Takıeddın Beırýtta qaıtys boldy. Tergeýshіler Sarkozı oǵan deldaldar arqyly qysym jasaýy múmkіn degen kúdіkke іlіndі. BAQ deregіnshe, kýágerdі satyp alýǵa shamamen 608 myń eýro jumsalǵan.
Material avtory
