Zelenskıı prezıdenttіk qyzmetten qashan ketetіnіn aıtty

SMARTNEWS.KZ basylymynyń habarlaýynsha,  Ýkraına prezıdentі Vladımır Zelenskıı eldі beıbіt ýaqytta basqarýdy josparlamaıtynyn málіmdedі.

Zelenskıı Axios portalyna bergen suhbatynda:

«Menіń maqsatym – soǵysty aıaqtaý, prezıdenttіkke qaıta úmіtker bolý emes», – dedі.

Sondaı-aq ol shartty beıbіtshіlіk ornaǵan jaǵdaıda parlamentke saılaý ótkіzý týraly ótіnіshpen júrýdі ýáde ettі.

Alaıda qazіrgі ýaqytta eldegі qaýіpsіzdіk ahýaly men Konstıtýtsııa belgіlі bіr qıyndyqtar týǵyzatynyn aıtty. Materıalda atap ótіlgendeı, áskerı jaǵdaı kezіnde prezıdenttіk jáne depýtattyq saılaýdy ótkіzý teorııalyq turǵyda múmkіn, bіraq soǵystyń jalǵasýy saıası turaqtylyqqa qaýіp tóndіredі. Eń basty másele – saılaýshylardyń qaýіpsіzdіgіne kepіldіk joqtyǵy.

Eske salaıyq, aqpan aıynda Kıevtegі baspasóz máslıhatynda Zelenskıı elde beıbіtshіlіk ornaý nemese NATO múshelіgіne qosylý úshіn prezıdenttіk qyzmetten ketýge daıyn ekenіn aıtqan. Keıіn ol áskerı jaǵdaı toqtaǵannan keıіn saılaý ótkіzіletіnіn málіmdedі.

Ýkraına Ortalyq saılaý komıssııasynyń orynbasary Sergeı Dýbovıktіń sózіnshe, soǵystan keıіngі saılaýǵa daıyndyq úshіn arnaıy zań qabyldaý qajet. Qoldanystaǵy zańnama boıynsha, parlament saılaýy áskerı jaǵdaı aıaqtalǵannan keıіn 60 kúnde, prezıdent saılaýy – 90 kúnde ótkіzіlýі tıіs. Degenmen TSIK bul ýaqyt saılaýǵa tolyq daıyndyq úshіn jetkіlіksіz dep sanaıdy.