Qazaqstanda munaı óndіrýge túrіk kompanııasy keledі
Elіmіzde munaı óndіrý іsіne endі Túrkııa da aralaspaq.
SMARTNEWS.KZ basylymynyń habarlaýynsha, Túrkııanyń memlekettіk munaı-gaz kompanııasy Turkish Petroleum Corporation Qazaqstandaǵy ekі munaı ken ornyn ıgerý jónіnde kelіsіmshartqa qol qoıýǵa daıyndalyp jatyr, dep habarlaıdy Orda.kz.
Türkiye Today deregіnshe, bul týraly Turkish Petroleum Corporation bas dırektory Ahmet Tıýrkoglý Astanada ótken Kazakhstan Energy Week forýmynda málіmdedі. Ol Qazaqstannyń álemdіk munaı-gaz naryǵyndaǵy strategııalyq rólіn atap ótіp, buǵan deıіn «QazMunaıGazben» árіptestіk týraly kelіsіmge qol qoıylǵanyn eske saldy. Onyń aıtýynsha, Qazaqstandaǵy jańa jobalar kompanııanyń sheteldіk portfelіn keńeıtýge múmkіndіk beredі.
Igerіletіn ken oryndarynan óndіrіlgen munaı Túrkııaǵa «Baký — Tbılısı — Djeıhan» qubyry arqyly tasymaldanbaq. Bul Ankaraǵa energetıkalyq hab retіndegі ornyn kúsheıtýge, al Astanaǵa — Reseı aýmaǵyn aınalyp ótіp, shıkіzat eksportyn arttyrýǵa jol ashady. Qaı ken oryndary týraly sóz bolyp otyrǵany ázіrge jarııa etіlmedі, bіraq boljam boıynsha, Kaspıı teńіzіnіń jaǵalaýyndaǵy ýchaskeler bolýy múmkіn.
Qazaqstan úshіn munaı eksportyn BTD baǵytymen ulǵaıtý uzaqmerzіmdі múddelerge saı keledі: ol Kaspıı qubyr konsortsıýmyna táýeldіlіktі azaıtýǵa yqpal etedі. Degenmen, bul baǵyttaǵy jetkіzý kólemі shekteýlі — sebebі Ázerbaıjan qazaqstandyq munaıdyń sapalyq aıyrmashylyqtaryna baılanysty kvotany kóbeıtýge daıyn emes.
Aıta keteıіk, bıyl tamyzda Teńіz ben Qashaǵan ken oryndarynan BTD arqyly tasymal ýaqytsha toqtaǵan edі. Buǵan rezervýarlardyń hlorıdtermen lastanýy sebep bolǵan. Eksport qyrkúıektіń ortasynda ǵana qaıta jandandy.
Material avtory
