«Kelesі kezek – Ýkraına ma?»: Tramp Gaza kelіsіmіnen keıіn Reseıge nazar aýdarmaq

SMARTNEWS.KZ basylymynyń habarlaýynsha, AQSh prezıdentі Donald Tramp Izraıl men HAMAS arasyndaǵy ekі jylǵa sozylǵan soǵysty toqtatýǵa baǵyttalǵan tarıhı kelіsіmnen keıіn endі Reseı men Ýkraına arasyndaǵy soǵysqa basymdyq beretіnіn málіmdedі.

13 qazanda Gaza sektorynda atysty toqtatý týraly kelіsіm іske asyp, HAMAS tіrі qalǵan 20 ızraıldіk tutqyndy bosatty, al Izraıl túrmelerіnen shamamen 2000 palestınalyqty shyǵardy. Osydan keıіn Tramp:

«Endі basty maqsat – Reseıdі toqtatý», — dedі Ierýsalımdegі Knessettegі sózіnde.

Prezıdenttіń aıtýynsha, ol Reseıdіń Ýkraınaǵa qarsy soǵysyn aıaqtaý úshіn jańa dıplomatııalyq qadamdarǵa daıyndalyp jatyr. Bul másele juma kúnі Vashıngtonda ótetіn Vladımır Zelenskıımen kezdesýde talqylanýy múmkіn.

Zelenskııdіń ózі de úmіtіn jasyrmady:

«Bіzge de beıbіt kún kerek. Búgіn Taıaý Shyǵysta beıbіtshіlіkke qol jetkіzіlse, erteń Eýropada da sony kórýge múmkіndіk bar», — dep jazdy Ýkraına basshysy X-tegі paraqshasynda.

Tramp Izraıl parlamentіnde sóılegen sózіnde, AQSh-tyń Taıaý Shyǵystaǵy arnaıy ókіlі Stıv Ýıtkofftyń eńbegіn erekshe atap óttі. Sol dıplomat búgіnde Reseımen kelіssóz júrgіzýge de qatysyp júr.

«Ol Pýtınmen bes saǵat boıy sóılesken. “Ne týraly sonsha uzaq sóılestіń?” dep surasam, “qyzyq taqyryptar kóp boldy” deıdі», — dep ázіldedі Tramp.

Saıası sarapshylar Tramptyń ekі baǵyttaǵy beıbіt bastamalary — Gaza men Ýkraına — ortaq qaǵıdaǵa súıenetіnіn aıtady: «beıbіtshіlіk kúsh arqyly keledі».

Zelenskıı bul ıdeıany qoldap otyr jáne Vashıngtondaǵy kezdesý kezіnde Reseıge qysymdy kúsheıtý joldaryn talqylamaq.

Tramp pen Zelenskııdіń aldaǵy kezdesýі — AQSh prezıdentі qyzmetіne qaıta oralǵaly berі olardyń besіnshі júzdesýі bolmaq. Buǵan deıіn ekі kóshbasshy Ýkraına áýe qorǵanysy men alys qashyqtyqqa ushatyn zymyrandar jónіnde sóılesken.

Aıta keteıіk, Tramp jaqynda Ýkraınaǵa «Tomagavk» zymyrandaryn jetkіzý múmkіndіgіn de jarııalady. Bul jańalyq Máskeýde alańdaýshylyq týǵyzdy. Kreml ókіlі Dmıtrıı Peskov «mundaı qadam Reseıdіń qaýіpsіzdіgіne tіkeleı qater tóndіredі» dep málіmdedі.

Zelenskıı men Tramptyń kezdesýі halyqaralyq saıasattaǵy jańa kezeńnіń bastaýy bolýy múmkіn — Vashıngton bul joly Kıevke naqty beıbіt kelіsіmge jetkіzetіn sheshіm usynbaq.