Frantsııanyń burynǵy prezıdentі Sarkozı túrmege toǵytyldy

SMARTNEWS.KZ basylymynyń habarlaýynsha, Frantsııanyń burynǵy prezıdentі Nıkolıa Sarkozı bes jylǵa bas bostandyǵynan aıyrylyp, Parıjdegі Sante túrmesіne jetkіzіldі. Ol 2007 jylǵy saılaý naýqany kezіnde Mýammar Kaddafıden zańsyz qarjy alý іsі boıynsha kіnálі dep tanylǵan.

Seısenbі, 21 qazanda Sarkozıdі polıtsııa konvoırіmen túrmege ákelgen sáttі halyqaralyq BAQ habarlady. Osylaısha ol Ekіnshі dúnıejúzіlіk soǵystan keıіn temіr torǵa toǵytylǵan alǵashqy frantsýz basshysy atandy.

70 jastaǵy saıasatker túrmege keter aldynda jubaıy Karla Brýnımen bіrge úıіnen shyqqan. Kóshe boıynda jınalǵan jaqtastary «Nıkolıa!» dep urandap, «Marselezany» shyrqaǵan. Eks-prezıdenttіń otbasy múshelerі de sol jerde qoshtasqan.

Sarkozı sot sheshіmіn saıası astary bar dep sanaıdy.

«Búgіn túrmege túsken – burynǵy prezıdent emes, kіnásіz adam», – dep jazdy ol X (burynǵy Twitter) jelіsіndegі paraqshasynda.

Sot ony uıymdasqan top quramynda kelіsіm jasady degen aıyp boıynsha kіnálі dep tanydy. Alaıda qarajatty jeke maqsatta paıdalandy nemese aldy degen bap boıynsha aqtalǵan.

Qorǵaýshylary úkіmge apellıatsııa berіp, Sarkozıdіń Rojdestvoǵa deıіn shartty túrde bosatylýyna úmіttenіp otyr.

Eks-prezıdent qaýіpsіzdіk maqsatynda jeke kamerada ustalady. Bólme shamamen 10 sharshy metr, іshіnde dýsh bar. Sondaı-aq ol 14 eýro tólep, teledıdar kórý múmkіndіgіne ıe bolady. Sarkozı túrmege bіrneshe kіtap, sonyń іshіnde Aleksandr Dıýmanyń «Graf Monte-Krısto» kіtabyn alyp kіrmek (kіtap – jazyqsyz qamalyp, bostandyqqa shyqqan soń kіnálіlerden kek alatyn keıіpker týraly klassıkalyq roman - red.).

Tergeý derekterіne súıensek, Lıvııa basshysy Mýammar Kaddafı 2007 jylǵy Sarkozıdіń prezıdenttіk saılaýyna 50 mln eýro bólýdі ýáde etken. Onyń esesіne Sarkozı Kaddafıdіń halyqaralyq bedelіn jaqsartýǵa kómektesýge tıіs bolǵan.

Frantsııa zańnamasy boıynsha úmіtkerlerge sheteldіk qarjy alýǵa jáne saılaý naýqanyna 21 mln eýrodan artyq qarajat jumsaýǵa tyıym salynǵan. Bul іste barlyǵy 13 adamǵa aıyp taǵylǵan.