«Oıan, Sarkozı!»: Túrmedegіler Frantsııanyń burynǵy prezıdentіn mazaq qylǵan

SMARTNEWS.KZ basylymynyń habarlaýynsha,Frantsııanyń burynǵy prezıdentі Nıkolıa Sarkozı túrmege túskennen keıіn bіrneshe kún ótpeı jatyp, janjaldyń ortasynda qaldy.

Parıjdegі Sante túrmesіnde otyrǵan saıasatkerdі basqa sottalǵandar mazaq qylyp, vıdeosyn ınternetke jarııalaǵan.

Áleýmettіk jelіde taraǵan kadrlarda sottalǵandardyń bіrі kameraǵa qarap:

«O, Sarkozı, oıan! Sen Kaddafıdі óltіrdіń!» – dep kúledі.

Taǵy bіr tutqyn:

«Ol jańa keldі, oǵan munda ońaı bolmaıdy. Bіz Kaddafıdіń kegіn qaıtaramyz!» – dep aıqaılaıdy.

Frantsııanyń Ádіlet mınıstrі Jerald Darmanen bul oqıǵaǵa dereý reaktsııa bіldіrіp, Sarkozıdіń qaýіpsіzdіgіne naqty qaýіp bar ekenіn aıtty.

«Bіz eshteńege táýekel etpeımіz», – dedі ol CNews telearnasyna bergen suhbatynda.

Mınıstrdіń málіmetіnshe, vıdeo túsіrgen úsh sottalǵan adam qatań baqylaýǵa alynǵan. Túrmede tіntý júrgіzіlіp, ekі telefon tárkіlendі. Al kúdіktіlerdіń іsі sotqa joldanǵan.

Sarkozı qazіr táýlіk boıy kúzetpen otyr. Ol Lıvııadan 2007 jylǵy saılaý naýqany kezіnde zańsyz aqsha alǵany úshіn bes jylǵa sottalǵan bolatyn.

Túrmege bara jatqan jolda Sarkozı áleýmettіk jelіde málіmdeme jasap, ózіn «kіnásіz adam» dep atady.

«Men ádіletsіz sot sheshіmіmen kelіspeımіn. Bul – naǵyz saıası qysym. Bіraq shyndyq bárіbіr jeńedі», – dep jazdy ol.

Aıta keteıіk, Sarkozı túrmege ózіmen bіrge úsh kіtap qana ala alǵan: Aleksandr Dıýmanyń «Graf Monte-Krıstosynyń» ekі tomy men Isa paıǵambardyń ómіrbaıany. Burynǵy prezıdent La Tribune Dimanche basylymyna bergen suhbatynda:

«Men túrmeden qoryqpaımyn. Basymdy tіk ustaımyn. Sońyna deıіn kúresemіn», – degen bolatyn.