Qytaı Qazaqstanǵa quny 1 mlrd dollar ekі elektr stantsııasyn salyp bermek
Qytaı Túrkіstan men Qaraǵandyda elektr stantsııalaryn turǵyzady.
SMARTNEWS.KZ basylymynyń habarlaýynsha, Qytaıdyń China Energy korporatsııasy Qazaqstanda jalpy quny 1 mlrd dollardan asatyn ekі іrі energetıkalyq jobany júzege asyrady.
Energetıka mınıstrlіgіnіń habarlaýynsha, mınıstr Erlan Aqkenjanov pen China Energy basshysy TSıao Sıýbın Astanada kezdestі. Taraptar jańartylatyn energııa kózderі salasynda ekі mańyzdy jobany іske asyrý jónіnde kelіstі.
Bіrіnshі joba — Túrkіstan oblysynda qýaty 300 MVt bolatyn kún elektr stantsııasyn salý, ekіnshіsі — Qaraǵandy oblysynda 500 MVt jel elektr stantsııasyn turǵyzý.
Bul jobalar Qazaqstan men Qytaı Bakýde ótken BUU klımattyq konferentsııasynda qol qoıǵan jasyl energetıka jónіndegі úkіmetaralyq kelіsіm aıasynda júzege asady.
Qytaılyq kompanııanyń serіktesі — «Qazaqtelekom». Ol jańartylatyn energııamen qamtamasyz etіletіn derekterdі óńdeý ortalyǵyn (Data Center) salmaq. Osylaısha, China Energy ınvestıtsııasy eldіń jasyl energetıkasymen qatar, tsıfrlyq ınfraqurylymyn da damytýǵa baǵyttalyp otyr.
Mınıstr Aqkenjanovtyń aıtýynsha, bul jobalar Qazaqstannyń kómіrteksіz damý maqsatyna naqty úles qosady:
«China Energy kompanııasymen árіptestіk — tek kapıtal emes, ozyq tehnologııa ákeletіn yntymaqtastyq úlgіsі. Túrkіstan men Qaraǵandydaǵy jobalar — elіmіzdіń kómіrtegі beıtaraptyǵyna qaraı naqty qadam. Sonymen qatar, energııa saqtaý jáne «aqyldy jelіler» baǵyttarynda da serіktestіktі keńeıtýge zor múmkіndіk bar», — dedі mınıstr.
Material avtory
