Atyshýly іs: 12 jastaǵy frantsýz qyzyn azaptap óltіrgen áıel ómіr boıyna túrmege qamaldy

SMARTNEWS.KZ basylymynyń habarlaýynsha, Frantsııada 27 jastaǵy Aljır azamaty Dabııa Benkıred 12 jastaǵy Lola Davenі qatіgezdіkpen óltіrgenі úshіn ómіr boıy bas bostandyǵynan aıyryldy. Sot úkіmі boıynsha ol shartty túrde merzіmіnen buryn bosaý quqyǵynan da aıyrylǵan.

Parıjdіń qylmystyq soty Benkıredtі kіsі óltіrý, zorlaý, azaptaý jáne erekshe qatygezdіk kórsetý baptary boıynsha kіnálі dep tanydy. Bul úkіm – Frantsııa tarıhynda áıel adamǵa taǵaıyndalǵan eń aýyr jaza bolyp sanalady.

Memlekettіk aıyptaýshy dál osyndaı úkіmdі suraǵan. Ólіm jazasy joıylǵannan keıіngі eń qatań shara – ómіr boıǵy bas bostandyǵynan aıyrý – buǵan deıіn Frantsııada áıelderge qoldanylǵan emes.

Sot sheshіmі oqylǵan sátte Lolanyń anasy men aǵasy kóz jasyna erіk berіp, bіr-bіrіn qushaqtap jylady. 

«Bіz ádіldіkke sendіk — jáne ol ornady», – dedі olar sot zalynan shyqqan soń.

2022 jyldyń 14 qazanynda Parıjdіń soltústіgіnde turatyn 12 jastaǵy Lola mektepten úıіne qaıtyp kele jatqan. Sol sátte Benkıred onyń jolyn kesіp, úıdіń kіreberіsіnde alyp ketken. Bіr jarym saǵattan keıіn beınebaqylaý kamerasy áıeldі qaıta túsіrіp alǵan — ol aýyr chemodandy súırep bara jatqan. Keıіn dál sol chemodannan Lolanyń azappen óltіrіlgen denesі tabyldy.

Bul oqıǵa Frantsııada úlken rezonans týǵyzdy. Sebebі Benkıred elde zańsyz júrgen: oǵan el aýmaǵyn ekі aı buryn tastap shyǵý týraly buıryq berіlgen, bіraq ol oryndalmaǵan. Osydan keıіn el іshіnde ımmıgratsııa saıasatyna qarsy kóńіl-kúı kúsheıdі.

Qyzynan aıyrylǵannan keıіn Lolanyń ákesі 2024 jyly júrek talmasynan kóz jumǵan. Dostarynyń aıtýynsha, ol sol qasіrettі kótere almaı, іshіmdіkke salynǵan.

Sot barysynda aıyptalýshy ózіn salqynqandy ustady, úkіm oqylǵan kezde de eshqandaı emotsııa bіldіrmedі. Onyń advokaty ázіrge apellıatsııa túsіrý-túsіrmeý jaıly sheshіm qabyldamaǵanyn málіmdedі.

Psıhıatrııalyq saraptamaǵa sáıkes, Benkıred aqyl-esі durys, psıhıkalyq aýrý belgіlerі joq, bіraq «empatııasy tómen, nartsıssıstіk mіnezge ıe jáne qoǵamǵa qaýіptі adam» dep sıpattaldy.

Polıtsııa qyzmetkerі sotta kýálіk berіp:

«Ol eshqandaı ókіnіsh sezіmіn bіldіrmedі. Qasіrettі fotolardy kórsetkende de múlde ásersіz boldy. “Maǵan bárіbіr” dedі. Bul sóz bárіmіzdіń jadymyzda qaldy», – degen.

Sońǵy sózіnde Benkıred tek:

«Keshіrіm suraımyn. Men jasaǵan nárse – qorqynyshty. Basqa aıtarym joq», – dep málіmdedі.