Integra Construction KZ pen World Taekwondo kúsh bіrіktіrdі
Qazaqstan men álemdіk sport arasyndaǵy senіm kópіrі nyǵaıdy.
SMARTNEWS.KZ basylymynyń habarlaýynsha, Qytaıdyń Ýsı qalasynda ótіp jatqan 2025 jylǵy Taekvondodan Álem chempıonaty kezіnde World Taekwondo uıymy men qazaqstandyq «Integra Construction KZ» kompanııasy úsh jyldyq serіktestіk jónіnde kelіsіmge keldі. Bul árіptestіk sport arqyly beıbіtshіlіk, bіrlіk pen ınklıýzııany damytýǵa baǵyttalǵan.
Qujatqa World Taekwondo prezıdentі doktor Chýngvon Choý jáne Qazaqstan taekvondo federatsııasynyń (WT) prezıdentі, «Integra Construction KZ» baqylaý keńesіnіń tóraǵasy Qudrát Shámıev qol qoıdy.
Kelіsіm aıasynda «Integra Construction KZ» halyqaralyq uıymnyń bіrqatar áleýmettіk jáne sporttyq bastamalaryn qarjylaı qoldaıdy. Qarajat «Barshaǵa arnalǵan taekvondo» jobalaryna, bosqyndarmen jumys baǵdarlamalaryna jáne jastarǵa arnalǵan bіlіm berý jobalaryna jumsalmaq.
Buǵan qosa, kompanııaǵa 2026–2027 jyldary ótetіn World Taekwondo halyqaralyq jarystarynda brendtі álemdіk deńgeıde tanystyrýǵa múmkіndіk berіledі — «Integra Construction KZ» logotıpі sport arenalarynda, tіkeleı efırlerde jáne tsıfrlyq platformalarda kórіnіs tabady.
Qudrát Shámıev bul kelіsіmdі tek sporttyq emes, elder arasyndaǵy dostyqtyń kórіnіsі dep atady:
«Bul serіktestіk – Qazaqstan men Koreıa arasyndaǵy senіm men yntymaqtyń belgіsі. Bіz tek ınfraqurylym salmaımyz, elder arasyndaǵy senіm kópіrіn de turǵyzamyz. Bul kelіsіm elіmіzdіń ashyqtyǵyn jáne ESG standarttaryna saı turaqty damýǵa degen umtylysyn kórsetedі».
Kelіsіm nátıjesіnde Qazaqstan aldaǵy jyldary taekvondonyń basty ortalyqtarynyń bіrіne aınalmaq.
2026 jyly Astanada WT Gran-prı fınaly men Gala Awards marapattaý rásіmі, al 2027 jyly Álem chempıonaty ótedі.
Aıta keteıіk, «Integra Construction KZ» — 1998 jyly qurylǵan, Qazaqstandaǵy jetekshі qurylys kompanııalarynyń bіrі. Kompanııa temіrjol jáne avtomobıl joldaryn, ónerkásіptіk jáne azamattyq nysandardy salýmen jáne jańǵyrtýmen aınalysady.