Bıýdjetten bólіngen aqsha baq emes, baılyqqa aınalǵan: Shymkentte eks-sheneýnіk qamaýǵa alyndy
Tergeý málіmetіnshe, lızıng alý baǵdarlamasy arqyly memleketke 430 mln teńge zalal kelgen.
SMARTNEWS.KZ basylymynyń habarlaýynsha, Qarjy monıtorıngі agenttіgіnіń Shymkent qalasy boıynsha departamentі «Aýyl sharýashylyǵyn qarjylaı qoldaý qory» AQ-nyń burynǵy tóraǵasy Jandar Omarovqa qatysty sotqa deıіngі tergeý júrgіzіp jatyr.
Ol qyzmettіk ókіlettіgіn asyra paıdalanyp, alma baqtaryn salýǵa arnalǵan memlekettіk qarjyny jymqyrdy degen kúdіkke іlіndі. Tergeý nusqasy boıynsha, ol ózіne baılanysty «Green Mart Kazakhstan» JShS-nіń basshysymen bіrlesіp, jumystar men jabdyqtardyń qunyn negіzsіz kóterý arqyly bıýdjet qarajatyn ıemdengen.
Bul maqsatta kúdіktіler dostary men týystarynyń atyna 20 jalǵan kompanııa tіrkep, olardy baǵdarlama qatysýshysy retіnde kórsetken. Alaıda bul tulǵalardyń eshqaısysy іs júzіnde jobalarǵa qatyspaǵan.
Jalǵan qujattar negіzіnde Qorǵa 1,4 mlrd teńgege lızıng alý jónіnde ótіnіm berіlgen. Baıqaý rásіmderі ótkіzіlmesten, jetkіzýshі retіnde tek «Green Mart Kazakhstan» tańdalǵan. Al qarajattyń bіr bólіgі túrlі esepshottarǵa aýdarylyp, keıіn qolma-qol aqshaǵa aınaldyrylǵan.
Sonymen qatar, jabdyqtar qymbat baǵamen jetkіzіlіp, keıbіr jumystar múlde oryndalmaǵan. Tergeý deregіnshe, memleketke keltіrіlgen zalaldyń jalpy somasy 430 mln teńgeden asqan.
«Aýyl sharýashylyǵyn qarjylaı qoldaý qorynyń» burynǵy tóraǵasy ekі aıǵa qamaýǵa alyndy. Qazіr sotqa deıіngі tergeý jalǵasýda.
Material avtory
