Irі kontsertterden qazynaǵa 1,5 mlrd teńge tústі – Qarjy mınıstrlіgі
Mınıstrlіk Djennıfer Lopes pen Backstreet Boys tobynyń arqasynda memleket qazynasyna qansha qarjy túskenіn jetkіzdі.
SMARTNEWS.KZ basylymynyń habarlaýynsha, QR Qarjy mınıstrlіgі bıyl shіlde-qyrkúıek aılarynda ótken іrі mýzykalyq sharalardan túsken salyq túsіmderіnіń aldyn ala qorytyndysyn jarııalady.
Memlekettіk kіrіster komıtetіnіń Salyqtyq ákіmshіlendіrý departamentі dırektorynyń mіndetіn atqarýshy Bektas Ádіlǵalıevtіń málіmetіnshe, bes іrі kontsert pen festıvalden túsken jalpy salyq kólemі, merdіger uıymdardy qosa eseptegende, shamamen 1,5 mlrd teńgenі quraǵan. Onyń іshіnde 738,6 mln teńge naqty tólengen.
Shіlde aıynda elordada ótken Alem Fest festıvalіne 22 myń kórermen qatysyp, sheteldіk uıymdastyrýshy úshіn korporatıvtіk tabys salyǵy túrіnde 22 mln teńge bıýdjetke túsken.
Tamyzda Djennıfer Lopestіń ekі kontsertі óttі: Almatyda 26 myń, Astanada 27 myń kórermen jınalǵan. Bul sharalardan el qazynasyna 500,1 mln teńge salyq túsken — onyń іshіnde 249,4 mln teńge Astana kontsertіnen, 250,7 mln teńge Almaty kontsertіnen.
Qyrkúıekte Backstreet Boys toby ekі qalada – Almaty men Astanada óner kórsettі. Bul kontsertterden 216,5 mln teńge korporatıvtіk tabys salyǵy túskenі habarlandy.
Qarjy mınıstrlіgіnіń málіmetіnshe, mundaı іrі mádenı іs-sharalar el ekonomıkasyna qosymsha kіrіs ákelіp, mádenı týrızmnіń damýyna serpіn berіp otyr.
Material avtory
