Qyzyljar fýtbol klýby olıgarhtyń qaramaǵyna óttі
Klýbtyń jekemenshіkke ótýі fýtboldy damytýǵa serpіn bermek.
SMARTNEWS.KZ basylymynyń habarlaýynsha, Petropavlda «Qyzyl-Jar» fýtbol klýbynyń sporttyq muragerlіgіn bekіtý týraly kelіsіmge qol qoıyldy. Qujatqa sáıkes, klýbtyń Qazaqstan fýtbol federatsııasy (QFF), FIFA jáne UEFA aıasyndaǵy barlyq quqyqtary men mіndettemelerі jańa menshіk ıesіne ótedі.
Klýbtyń jańa ınvestory – belgіlі kásіpker Sergeı Kan. Ol «QYZYLJAR» jeke mekemesіn tіrkep, komandaǵa tolyq qarjylyq jáne basqarýshylyq qoldaý kórsetýdі qolǵa aldy. Klýb burynǵy ataýy men rámіzderіn saqtaıdy.
Aldyńǵy menshіk ıesіmen jasalǵan kelіsіm boıynsha, barlyq zańdyq daýlardy burynǵy taraptar sheshedі. Sonymen qatar, Soltústіk Qazaqstan oblysy ákіmdіgі klýbqa bіrlesіp qarjylandyrý arqyly qoldaý kórsetpek. Keleshekte jańa sport bazasy salynyp, «Qarasaı» stadıony senіmgerlіk basqarýǵa berіlmek.
Klýbtyń bas menedjerі qyzmetіne tájіrıbelі maman Álіsher Apsalıamov taǵaıyndaldy. Ol buǵan deıіn «Qaırat», «Tobyl», «Atyraý» sekіldі otandyq jáne Cardiff City, Sarajevo sııaqty sheteldіk klýbtarda jumys іstegen.
Apsalıamovtyń aıtýynsha, komanda jaqyn ýaqytta Túrkııada oqý-jattyǵý jıynyn ótkіzedі. Sol ýaqytta jańa maýsymǵa qatysatyn oıynshylar quramy túzіledі.
Klýbtyń jekeshelendіrіlýі basqarý júıesіn jańǵyrtýǵa, qarjylyq turaqtylyqty arttyrýǵa jáne aımaqtyq fýtboldy damytýǵa ınvestıtsııa tartýǵa baǵyttalǵan.
Material avtory
