Temіrlan Anarbekovtyń qoly qoıylǵan dop 12 mıllıon teńgege satyldy
Doptan túsken qarjyǵa muqtaj otbasy úılі bolǵan.
SMARTNEWS.KZ basylymynyń habarlaýynsha, Almatynyń «Qaırat» klýbynyń qaqpashysy Temіrlan Anarbekovtyń qoly qoıylǵan dop aýktsıonda 12 mıllıon teńgege satyldy. Bul qarajatqa turmysy tómen otbasyǵa baspana syıǵa berіldі.
Dopty qaıyrymdylyq baǵytynda jumys іsteıtіn «Asar-Ýme» qory aýktsıonǵa qoıǵan. Uıymdastyrýshylardyń aıtýynsha, sportshylardyń úlgіsі men osyndaı ıgі bastamalar qoǵamdaǵy meıіrіmdіlіk pen áleýmettіk jaýapkershіlіktі arttyrýǵa yqpal etedі.
Jeńіmpaz retіnde atalǵan kásіpkerdіń esіmі jarııalanǵan joq, bіraq qor ókіlderі onyń qaıyrymdylyq sharalaryna jıі qatysatynyn atap óttі.
Temіrlan Anarbekov bıylǵy maýsymda erekshe oıyn úlgіsіn kórsetіp, qazaqstandyq fýtbol jankúıerlerіnіń súıіspenshіlіgіne ıe boldy. Aleksandar Zarýtskıı jaraqat alǵannan keıіn negіzgі quramǵa qosylǵan ol Chempıondar lıgasynyń pleı-off kezeńіnde «Seltıkke» qarsy matchta penaltıdі sáttі toıtaryp, «Qaırattyń» toptyq kezeńge ótýіne sheshýshі úles qosty.
Keıіn ol «Pafos» pen áıgіlі «Interge» qarsy oıyndarda da qaqpany senіmdі qorǵap, óz kásіbılіgіn dáleldedі.
Material avtory
