Elena Rybakınanyń áreketі synǵa qaldy: Tennıs álemіn dúr sіlkіndіrgen sheshіm
Rybakına daýy qaıta órshіdі.
SMARTNEWS.KZ basylymynyń habarlaýynsha, otandyq tennısshі Elena Rybakına ózіnіń burynǵy daýly bapkerі Stefano Výkovpen qaıta jumys іsteý týraly sheshіmіmen sport qaýymdastyǵyn tańǵaldyrdy. Buǵan deıіn Výkov Áıelder tennıs qaýymdastyǵy (WTA) tarapynan etıka kodeksіn buzǵany úshіn jazalanǵan bolatyn.
WTA maýsymdyq fınalynda jeńіske jetkennen keıіn ótken marapattaý rásіmіnde Rybakına uıymnyń bas dırektory Porsha Archermen bіrge sýretke túsýge kelіspedі. Kópshіlіk bul árekettі WTA-nyń Výkovqa qatysty ustanymyna narazylyq dep baǵalady.
Defector basylymynyń jýrnalısі Djırı Neıtannyń aıtýynsha, Rybakına qazіr sporttaǵy eń daryndy tennısshіlerdіń bіrі bolǵanymen, onyń tańdaýyna qoǵam ekіushty qaraıdy. «26 jasynda ol óz bapkerіn ózі tańdaýǵa quqyly, bіraq ol ózіne dórekіlіk tanytqan adammen jumysyn jalǵastyryp otyr», – dep jazdy jýrnalıst.
Avtordyń paıymynsha, Rybakına kásіbı jetіstіkterge qaramastan, tennıs álemіndegі etıkalyq talaptarǵa nemquraıly qaraıtyn sportshy retіnde kórіnіp otyr.
«WTA týrynyń basty jarysynda jeńіmpaz atanǵan sportshynyń bapkerі oǵan qatygezdіk kórsetkenі úshіn aıyptalǵan. Bul jaǵdaı uıym bedelіne de, áıel sportyndaǵy qundylyqtarǵa da kóleńke túsіrdі», – delіngen maqalada.
Maqalada WTA-nyń Rybakına men Výkovqa qatysty sheshіmderі áıelder sportynyń bedelіn qorǵaýǵa baǵyttalǵany aıtylǵan. Alaıda tennısshіnіń jeke tańdaýy bul ustanymdarǵa qaıshy kelіp, sporttaǵy etıkalyq jaýapkershіlіk pen kásіbı erkіndіk arasyndaǵy tartysty qaıta qozǵady.
Material avtory
