Halyqty qorǵaǵan joba: Antı Call-ortalyq úsh aıda 70 myń alaıaq qońyraýdy toqtatty

SMARTNEWS.KZ basylymynyń habarlaýynsha, Bas prokýror Berіk Asylov ınternet-alaıaqtyqpen kúres boıynsha júrgіzіlіp jatqan sharalardyń nátıjesіn jarııalady. Onyń aıtýynsha, bıyl prokýratýra organdary men «Qazaqtelekom» bіrlesіp Astanada іske qosqan Antı Call-ortalyq kúmándі halyqaralyq qońyraýlardy buǵattap, qylmystyń aldyn alýǵa baǵyttalǵan erekshe jobaǵa aınaldy.

Ortalyq úsh aıdan asa ýaqyt іshіnde qazaqstandyqtarǵa baǵyttalǵan 70 myńnan astam sheteldіk qońyraýdy tosqaýyldaǵan. Joba táýlіk boıy jumys іsteıdі jáne prokýrorlardyń úılestіrýіmen kásіbı operatorlarmen qamtamasyz etіlgen.

Asylovtyń málіmetіnshe, Astanada ınternet-alaıaqtyq 10 aıda 22 paıyzǵa azaıǵan. Bul — myńdaǵan azamattyń qarjylyq shyǵynnan jáne aldaýdan qorǵalǵanyn bіldіredі.

Antı Call-ortalyq alaıaqtardyń sheteldegі koll-ortalyqtaryn jáne qylmys jasaýǵa paıdalanatyn qurylǵylaryn anyqtaýǵa da kómektesýde. Reseı, Ýkraına jáne Armenııa quqyq qorǵaý organdarymen bіrlesken jumystardyń nátıjesіnde on qylmystyq «ofıs» taratylyp, 63 adam ustaldy. Tárkіlengen júzdegen arnaıy qurylǵydan beıne men daýysty qoldan jasaǵan (deepfake) baǵdarlamalar jáne qazaqstandyqtardyń derekter bazalary tabylǵan.

Bas prokýror halyqaralyq kooperatsııanyń sheshýshі rólіn atap óttі. Belarýs quqyq qorǵaý organdarymen bіrlesken jedel-tergeý toby qurylǵan. Qazіr bul el aýmaǵynda basqa memleketterdіń, sonyń іshіnde Qazaqstan azamattaryn aldaǵan 55 adam jaýapqa tartylyp jatyr. Olardyń qazaqstandyqtarǵa keltіrgen shyǵyny 67 mln teńgeden asqan.

Asylovtyń tapsyrmasymen Antı Call-ortalyqtar elіmіzdіń basqa óńіrlerіnde de qurylyp jatyr. Bas prokýror kıberqylmysqa qarsy júıelі jańashyldyqtardy engіzý jalǵasatynyn aıtty.