Qyzylordadaǵy 15 sheneýnіk kásіpkerlіkke qysym kórsetkenі úshіn jazalandy

SMARTNEWS.KZ basylymynyń habarlaýynsha, Qyzylorda oblysynda kásіpkerlіkke zańsyz aralasqan sheneýnіkterge shara qoldanyldy. Oblystyq prokýratýra bızneske qoldaý kórsetý baǵytynda tekserіs júrgіzіp, bіrqatar zańbuzýshylyq anyqtaǵanyn habarlady.

«Zań jáne tártіp» baǵdarlamasy aıasynda óńіr prokýrory Rızabek Ojarov kásіpkerlermen kezdesіp, bıznestіń damýy úshіn zań talaptarynyń múltіksіz oryndalýy qajet ekenіn atap óttі. Kezdesý barysynda kásіpkerler jıі kóteretіn máseleler talqylandy.

Prokýratýra bıyl bіrqatar nátıjege qol jetkіzgenіn aıtady: jalpy quny 743 mln teńgenі quraıtyn 46 ınvestıtsııalyq joba maquldanyp, tórt toqtap turǵan kásіporynnyń jumysy qaıta jandanǵan. 3 187 kásіpkerdіń quqyǵy qorǵalyp, olardyń paıdasyna 1,9 mlrd teńgeden astam qarajat óndіrіlgen.

Sonymen qatar, 45 laýazymdy tulǵa tártіptіk jaýapkershіlіkke tartylǵan, onyń іshіnde oblystyq jáne aýdandyq deńgeıdegі 15 basshy bar. Taǵy tórt adam kásіpkerlіkke zańsyz aralasqany jáne tekserý júrgіzý tártіbіn buzǵany úshіn ákіmshіlіk jazaǵa tartyldy.

Prokýratýra 590 kásіpkerdіń qyzmetіne zańsyz tekserіs júrgіzýdіń jolyn bógegenіn, onyń 190-y – Canıtarııalyq-epıdemıologııalyq baqylaý departamentі tarapynan bolǵanyn atap óttі. Sondaı-aq 21 tekserіs materıalyn kelіsýden bas tartqan.

Qadaǵalaýshy organ aımaqtaǵy kásіpkerlіk ortany qorǵaýdy árі qaraı da baqylaýda ustaıtynyn jetkіzdі.