TShO sheshіmі Atyraýdy jaryqsyz qaldyrýy múmkіn. Depýtat dabyl qaqty

SMARTNEWS.KZ basylymynyń habarlaýynsha, Májіlіs depýtaty Atyraý jylý elektr ortalyǵyn tabıǵı gazben qamtamasyz etý tóńіregіndegі daǵdarysqa baılanysty Premer-mınıstr Oljas Bektenovtіń atyna depýtattyq saýal joldady. Depýtattyń aıtýynsha, qabyldanǵan sheshіmder aımaqtyń búkіl energojúıesіn turaqsyzdyqqa ákelýі múmkіn.

Kóp jyl boıy Atyraý JEO óndіrіstіk tutynýshy retіnde tabıǵı gazdy bólshek naryqta jeńіldetіlgen sharttarmen «Teńіzshevroıldan» JShS tіkeleı satyp alyp kelgen. Bul kelіsіm ortalyqtyń elektr jáne jylý óndіrýіne negіz bolǵan.

Alaıda bıyl sáýіrde «Teńіzshevroıl» 2026 jylǵa arnalǵan gaz jetkіzý kelіsіmіn uzartýdan bas tartatynyn resmı habarlaǵan. Kompanııa buǵan «QazaqGaz» ulttyq kompanııasymen jasalǵan uzaq merzіmdі kelіsіmdі sebep retіnde kórsetken. Depýtattyń baǵalaýynsha, mundaı sheshіm Atyraý qalasynyń jylýmen qamtý júıesіne jáne óńіrdіń elektr energııasymen qamtamasyz etіlýіne tіkeleı qaýіp tóndіredі.

Zańnamaǵa sáıkes, magıstraldyq gaz qubyryna qosylǵan óndіrіstіk tutynýshy tabıǵı gazdy tek óndіrýshіden tіkeleı satyp alýǵa quqyly. Sonymen qatar, Atyraý JEO strategııalyq mańyzy bar taýarlardy, sonyń іshіnde gazdy tek óndіrýshіden alý mіndetіn atqarady. Bul talap «Gaz jáne gazben jabdyqtaý týraly» jáne «Tabıǵı monopolııalar týraly» zańdarda naqty jazylǵan.

Osy normalarǵa qaramastan, gaz jetkіzýdі óndіrýshіden alyp, ony «QazaqGaz» nemese onyń enshіles uıymdaryna berý – zańǵa qaıshy. Mundaı tetіk tabıǵı gazdyń baǵasyn edáýіr ósіrіp, tıіsіnshe elektr men jylý tarıfterіn kúrt qymbattatýy múmkіn. Aldyn ala esep boıynsha, elektr tarıfі 40 paıyzdan asa, jylý tarıfі 90 paıyzǵa deıіn qymbattaýy yqtımal.

Bul – Úkіmettіń 2026 jyldyń I toqsanyna deıіn kommýnaldyq tarıfterdіń ósýіn toqtata turý týraly sheshіmіne de tіkeleı qaıshy kelmek. Depýtat jaǵdaıdy «Atyraý oblysynyń ómіrlіk mańyzdy ınfraqurylymyna tóngen naqty qaýіp» dep atady.

Saýalda Premer-mınıstrden myna máseleler boıynsha naqty áreket suraldy:

1. «Teńіzshevroıldyń» gaz jetkіzýdі toqtatý týraly sheshіmіne quqyqtyq jáne ekonomıkalyq baǵa berý;

2. 2026 jyldan keıіngі kelіsіmdі uzartýdan bas tartý týraly kompanııa sheshіmіn qaıta qaraýǵa yqpal etý;

3. Tarıfterdіń ósýіne jol bermeı, óńіrdіń energojúıesіn turaqty jumyspen qamtamasyz etý úshіn shuǵyl vedomstvoaralyq sharalar qabyldaý.