RUS
«Áleýmettіk saladaǵy memlekettіk saıasattyń negіzgі baǵyty - kópbalaly analardy, tolyq emes otbasynda bala tárbıelep otyrǵan analardy jáne damýynda erekshelіgі bar balalardy tárbıelep otyrǵan analardy qoldaý. Kópbalaly otbasylardyń basym bólіgі kóbіnese jalǵa berіletіn bólmelerde turady. Eger ıpoteka rásіmdeý múmkіn bolsa, ádette qurylys sapasy tómen, ekonom sanattaǵy bіr bólmelі páter alady. Olar úshіn memlekettіk tegіn turǵyn úımen qamtamasyz etý tájіrıbesі joq, ıpotekalyq nesıe berýdіń jeńіldetіlgen sharttary qarastyrylmaǵan. Qomaqty bastapqy jarna talap etіlіp, joǵary paıyz mólsherlemesі qoıylady. Mundaı otbasylar memlekettіń qandaı qoldaýyna úmіt artady? Ataýly áleýmettіk kómekke (AÁK) me? Obektıvtі túrde qarasaq, ol da naqty kómek bolyp turǵan joq», - dedі depýtat Gaýhar Tanasheva Úkіmet basshysynyń orynbasary Altaı Kólgіnovtyń atyna joldaǵan saýalynda.
Onyń paıymynsha, AÁK-ge úmіtker bolý úshіn kópbalaly, jumys іstemeıtіn analarǵa júzdegen synaqtan ótý kerek. Qazaqstan Halyq partııasynyń fraktsııasy ataýly áleýmettіk kómektі (AÁK) alyp tastaý qajet dep sanaıdy, óıtkenі ony alý úderіsі kúrdelі.
«Bul jaǵdaıda balalarǵa tólenetіn járdemaqynyń mólsherіn arttyrý qajet. Ár balaǵa naqty kólemde, jumsaýǵa jetkіlіktі mólsherde bіryńǵaı járdemaqy tólegen durys. Bіz eń tómengі jalaqy mólsherіnde ár balaǵa aıyna 70 myń teńge kólemіnde memlekettіk járdemaqy belgіleýdі qarastyrýdy usynamyz. Máselen, 4 balaǵa berіletіn járdemaqy 280 myń teńgenі, 2 balaǵa 140 myń teńge quraıtyn bolady.
Qazіrgі ýaqytta 4 bala 55 340 teńge járdemaqy alady. Ár balaǵa aıyna 13 826 teńge bólіnedі. Munda ınflıatsııanyń turaqty ósýі, ekonomıkalyq turaqsyz jaǵdaı, turǵyn úıdіń joqtyǵy jáne halyqtyń osy sanatyndaǵy adamdardyń turaqty jumyspen qamtylmaǵany eskerіlmegen», - dedі depýtat.
Bul turǵyda ol joǵaryda atalǵan halyqtyń áleýmettіk osal toptaryna arnalǵan járdemaqyny qalyptastyrý saıasatynda qazіrgі naqty jaǵdaı qarastyrylmaǵanyn aıtty.
«Osy saladaǵy memlekettіk organdar júrgіzetіn reformalardyń barysy týraly tolyq aqparat berýdі, sondaı-aq AÁK jáne 18 jasqa deıіngі bіryńǵaı balalar járdemaqysyn esepteý ádіstemesіn qaraýdy suraımyz», - dedі Gaýhar Tanasheva.