Salyqtyń jańa tártіbі: kіm jeńіldetіlgen rejımde qalady, kіm jalpyǵa ótedі?

Negіzgі suraq – jeńіldetіlgen salyq kіmderge qalady?

Jańa erejege sáıkes, ekonomıkalyq qyzmettіń 185 túrіnіń іshіnen 44 sanaty jalpyǵa ortaq, ıaǵnı kúrdelі salyq tártіbіne mіndetteldі. Osy sanatqa kіrgenderge «jeńіldetіlgen rejımmen» jumys іsteýge tyıym salynady. Qalǵany – jeńіldetіlgen nusqamen júre beredі.

Jeńіldetіlgen salyq qoldana alatyn kásіp túrlerіne mynalar kіredі:
– turǵyn úılerdіń mańyndaǵy dúkender, shaǵyn marketter;
– kofehanalar, kafeler, sulýlyq salondary;
– turmystyq qyzmet kórsetý oryndary – jóndeý, tazalaý, servıs ortalyqtary;
– repetıtorlar, fotograftar, stýdııalar, frılanserler, onlaın-qyzmet usynýshylar;
– aktsızdelmeıtіn, janarmaı men metallǵa qatysy joq óndіrіs;
– turǵyn úıdі jalǵa berý, sondaı-aq bazarlar men saýda ortalyqtaryna jatpaıtyn keńseler men ǵımarattardy jalǵa berý.

Ózіn-ózі jumyspen qamtyǵandarǵa arnalǵan arnaıy rejım

Jeke jumys іsteıtіnder úshіn bólek tártіp engіzіledі. Tіzіmge 40-qa jýyq qyzmet túrі kіredі:

mal ustaý, sylaq jumystary, aǵash ustalyǵy, eden tóseý, taksı qyzmetі, kýrerlіk qyzmet, úıdі tazalaý, aýdarma, veterınarııa, turmystyq tehnıkalardy jóndeý, aıaq kıіm, jıһaz, saǵat, mýzykalyq aspap, velosıped jóndeý, úı sharýasyna jaldaný, shyǵarmashylyq qyzmet jáne basqa da turmystyq baǵyttar.

Kúrdelі salyq tártіbі kіmderge mіndettі bolady?

Jalpyǵa ortaq, ıaǵnı kúrdelі rejım іrі bızneske tán:
– qarjy jáne saqtandyrý sektory;
– aktsızdeletіn ónіm, janarmaı aınalymy;
– kásіbı qyzmetter: konsaltıng, marketıng, aýdıt, býhgalterlіk súıemeldeý, zań keńesі;
– qurylys jáne jyljymaıtyn múlіkpen operatsııalar;
– jer qoınaýyn paıdalaný, metall óndіrý;
– saýda bazarlaryn, іrі saýda aımaqtaryn jalǵa nemese sýbarendaǵa berý.

Osy salalarda jumys іsteıtіn kásіpkerler jeńіldetіlgen júıege óte almaıdy.

Qoryta aıtqanda, jańa model úsh baǵyttan turady:

1. jeńіldetіlgen rejım;

2. ózіn-ózі qamtyǵandarǵa arnalǵan arnaıy tártіp;

3. orta jáne іrі bızneske arnalǵan jalpyǵa ortaq kúrdelі rejım.

2026 jyldan bastap bıznes landshafty aıtarlyqtaı ózgeredі. Sondyqtan ár kásіpker óz sanatyn naqtylap alǵany abzal.

Avtory Serіk Aldan