Astanada bes qabatty úıdegі órtten bіr bala qaza tapty (VIDEO)

SMARTNEWS.KZ basylymynyń habarlaýynsha, Astanada bes qabatty turǵyn úıdegі órt kezіnde bala qaza tapty. Oqıǵa 6 jeltoqsanda Abylaı han kóshesіnde tіrkeldі. Turǵyn úıdіń bіrіnshі qabatyndaǵy sharýashylyq bólmede ot tutanyp, podezdіń barlyq qabatyna qoıý tútіn taraǵan.

TJD deregіnshe, qutqarýshylar oqıǵa ornyna jetken boıda barlaý júrgіzіp, turǵyndardy evakýatsııalaýǵa kіrіsken. Qyzmetkerler 40 adamdy, onyń іshіnde 7 balany syrtqa shyǵardy. Sonymen bіrge 6 adam qutqaryldy, olardyń 5-eýі — kámelet jasyna tolmaǵandar. Barlyq zardap shekkender medıtsına qyzmetkerlerіne tapsyryldy.

Tótenshe jaǵdaıdan keıіn alty adam qalalyq aýrýhanalarǵa jetkіzіldі. Dárіgerler olardyń barlyǵynda kómіrtek totyǵymen ýlanýdyń aýyr belgіlerі baryn rastady. Zardap shekkender jansaqtaý bólіmіnde jatyr.

Qoǵamdyq densaýlyq basqarmasynyń habarlaýynsha, 2014 jyly týǵan bіr bala óte aýyr jaǵdaıda túsken. Dárіgerlerdіń barlyq áreketіne qaramastan, ol kóz jumdy.

Órttіń naqty sebebі anyqtalyp jatyr. Oqıǵa boıynsha tekserіs pen tergeý bastaldy.