Tramp: Ýkraına boıynsha kelіssóz Eýropamen aýyr óttі
Tramp Ýkraına jónіndegі talqylaýda eýropalyq árіptesterіne talap qoıdy.
SMARTNEWS.KZ basylymynyń habarlaýynsha, AQSh prezıdentі Donald Tramp Ýkraınadaǵy jaǵdaıǵa qatysty Frantsııa, Germanııa jáne Ulybrıtanııa basshylarymen ótkіr áńgіme júrgіzgenіn málіmdedі.
Tramp jýrnalıstermen kezdesýde Ýkraınadaǵy qaqtyǵysty retteý máselesі talqylanǵanyn rastady. Onyń aıtýynsha, pіkіr almasý «bіrshama qatqyl» sıpatta ótken. Degenmen ol Eýropa kóshbasshylaryn «jaqsy dostar» dep atap, yntymaqtastyq jalǵasatynyn jetkіzdі.
Prezıdenttіń sózіnshe, Frantsııa, Germanııa jáne Ulybrıtanııa ókіlderі aldaǵy demalys kúnderі AQSh delegatsııasy men Ýkraına basshylyǵy qatysatyn kezdesý uıymdastyrýdy usynǵan.
Eske salsaq, buǵan deıіn Tramp Ýkraınadaǵy beıbіt kelіssózderge qatysty bіrqatar kelіspeýshіlіkter baryn ashyq aıtqan. Sonymen qatar 10 jeltoqsanda Kıev AQSh ákіmshіlіgіne qaqtyǵysty retteý jónіndegі sońǵy beıbіt jospar jobasyna tolyqqandy jaýap joldaǵan.
Material avtory
