Kaspıı qubyryna jasalǵan soqqy: Qazaqstan men Ýkraına arasynda túsіnіstіk ornady

SMARTNEWS.KZ basylymynyń habarlaýynsha, Qazaqstan Syrtqy іster mınıstrі Ermek Kósherbaev Venada ótken EQYU Syrtqy іster mınıstrlerі keńesі aıasynda ýkraınalyq árіptesіmen kezdesýde Kaspıı qubyr konsortsıýmy (KQK) nysandaryna jasalǵan shabýyl jónіnde sóz qozǵady. Mınıstrdіń aıtýynsha, taraptar bul másele boıynsha ortaq túsіnіstіkke kelgen.

Kósherbaev ekіjaqty yntymaqtastyq, saýda qatynastary jáne qaýіpsіzdіk máselelerіmen bіrge Kaspıı qubyr konsortsıýmynyń jaǵdaıyn talqylaǵanyn aıtty.

«Ýkraınalyq tarappen jaǵdaıdyń turaqty bolýy kerektіgі jónіnde túsіnіstіk bar», – dedі ol Aqorda dálіzіnde.

Bul kezdesýge deıіn SIM resmı ókіlі Aıbek Smadııarov taraptardyń sóıleskenіn habarlaǵan edі.

Aıta keteıіk, 29 qarashada tańǵy 06:06-da Novorossıısk mańyndaǵy KQK-nyń teńіz ınfraqurylymy dron-qaıyqtar arqyly shabýylǵa ushyraǵan bolatyn. Qazaqstan Úkіmetі oqıǵany erekshe baqylaýǵa aldy. 30 qarashada Qazaqstan KQK nysandaryna jasalǵan kezektі shabýylǵa baılanysty resmı qarsylyq notasyn joldady.

Keıіn Ýkraına Qazaqstannyń narazylyǵyna jaýap berdі. Kıev Astananyń alańdaýshylyǵyn qabyldaǵanyn málіmdep, óz áreketterіnіń baǵytyn túsіndіrdі. Ýkraına SIM-і bul operatsııalardyń Qazaqstanǵa nemese basqa memleketterge qarsy baǵyttalmaǵanyn aıtyp, «barlyq áskerı kúsh Reseıdіń agressııasyna qarsy qorǵanysqa jumyldyrylǵanyn» jetkіzdі.

Ýkraına málіmdemesіnde Reseıdі «Qara teńіz aımaǵyndaǵy turaqsyzdyqtyń bіrden-bіr kózі» dep atady jáne Qazaqstannyń Reseıdіń Ýkraınadaǵy azamattyq nysandarǵa jasaǵan soqqylaryn aıyptamaǵanyn eske saldy. Kıev álem elderіn soǵystyń toqtaýyna áser etýge shaqyrdy.

Málіmdeme sońynda Ýkraına:

«Qazaq halqyna degen ózgermes qurmetіmіzdі jáne ekі el arasyndaǵy tarıhı baılanystarǵa saı, Qazaqstanmen dostyq árі pragmatıkalyq qatynastardy damytýǵa umtylysymyzdy rastaımyz», – dep atap óttі.

Kaspıı qubyr konsortsıýmyndaǵy sońǵy oqıǵa VPÝ-2 qurylǵysy dron-qaıyq shabýylynan zaqymdanǵannan keıіn bastaldy. Tıeý jumystary toqtatylyp, tankerler aımaqtan shyǵaryldy. Zardap shekkender joq. Qazaqstan Energetıka mınıstrlіgі túsіnіkteme berіp, SIM Ýkraınaǵa resmı nota joldaǵanyn rastady.