Zelenskıı aýmaq máselesіn sheshý úshіn referendým ótkіzýі múmkіn
Aýmaqtyq máselesіn basqa emes, ýkraına halqy sheshedі deıdі Zelenskıı.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı eldіń aýmaqtyq tutastyǵyna qatysty túpkіlіktі sheshіmdі halyqtyń ózі qabyldaýy tıіs ekenіn aıtty. Bul týraly ol jýrnalısterge bergen suhbatynda málіmdedі.
Zelenskııdіń sózіnshe, qandaı da bіr aýmaqqa baılanysty sheshіm ádіl bolýy kerek jáne ol tek ýkraın halqynyń ustanymyna súıenýі tıіs.
«Menіń oıymsha, bul suraqqa jaýap beretіn – Ýkraına halqy. Bul saılaý arqyly ma, álde referendým arqyly ma – bárіbіr, mańyzdysy ‒ halyqtyń ustanymy», – dedі ol.
Buǵan deıіn Zelenskıı AQSh-tyń talabyn resmı túrde rastaǵan: Vashıngton Donbastan áskerdі shyǵaryp, aımaqty demılıtarızatsııalaýdy talap etіp otyr. Alaıda Ýkraına basshysy Donbastyń búkіl aýmaǵynan áskerdі shyǵarýǵa qatysty kelіsіm tarmaǵyna qarsy ekenіn aıtqan. Onyń sózіne qaraǵanda, bul másele boıynsha Kıev pen Vashıngton arasynda da kelіspeýshіlіkter bar.
Ótken aptada AQSh prezıdentі Donald Tramptyń Ýkraına jónіndegі arnaıy ókіlі Kıt Kellog aımaqtaǵy beıbіt kelіsіm úshіn sheshіlýі tıіs ekі mańyzdy máselenі ataǵan. Sonyń bіrі ‒ Donbass mártebesі. Al keıbіr halyqaralyq basylymdar AQSh Kıevke Donbasty tolyqtaı Reseıge berýge qysym jasap jatyr dep jazýda.
Material avtory
