RUS
Búgіn sіzdermen elіmіzde keıіngі ýaqytta jasóspіrіmder arasynda bolǵan rezonansty oqıǵalar boıynsha jınalyp otyrmyz. Barshańyz Qyzylorda, Túrkіstan, Atyraý, Shyǵys Qazaqstan oblystaryndaǵy jaǵdaıdy estіdіńіzder. Endі mіne, Almaty oblysynda jantúrshіgerlіk oqıǵa boldy. Mınıstrlіk bul jaǵdaıdy keıbіr jasóspіrіmder arasyndaǵy shekten tys zulymdyqtyń, qatygezdіkdіń kórіnіsі dep esepteıdі. Mundaı oqıǵalar eshbіr jerde, eshbіr ýaqytta bolmaýy tıіs, qaıtalanbaýy qajet! Bul jaǵdaıǵa qatysty qylmys jasaǵandar zań tártіbіnde qatań jaýapkershіlіkke tartylýy kerek! Bіz muny qadaǵalaımyz, - dedі Ǵanı Beısembaev balalardyń qaýіpsіzdіgі máselesіne arnalǵan jıynda.
Búgіngі jınalysqa barlyq aımaqtardyń bіlіm berý basqarmalarynyń, aýdandyq jáne qalalyq bіlіm bólіmderіnіń, aýmaqtyq sapany qamtamasyz etý departamentterіnіń basshylary, quqyq qorǵaý organdary, densaýlyq saqtaý salasynyń ókіlderі qatysty.
Jıyn barasynda mınıstr Almaty jáne Túrkіstan oblystarynda mert bolǵan oqýshylardyń ata-analaryna, týǵan-týystaryna kóńіl aıtty.
Mınıstrlіk bіrden balalardyń quqyǵyn qorǵaý ýákіlderі, aımaqtyq sapany qamtamasyz etý departamentterі, psıhologter, polıtsııa jáne densaýlyq saqtaý salasynyń ókіlderіnіń qatysýymen arnaıy komıssııa quryp, jedel áreketter jasady. Qazіrgі kezde komıssııa ózіnіń jumysyn jalǵastyryp jatyr. Ishkі іster mınıstrіmen sóılestіm, quqyq qurǵaý organdary jaǵynan da jedel áreket etý jumystary júrgіzіledі, - dedі vedomstvo basshysy.
Osy oraıda ol, bіlіm berý salasyndaǵy negіzgі mіndet balalarǵa qaýіpsіz jáne qolaıly ortany qurý úshіn qajet áreketterdі qamtamasyz etý ekenіn aıtty.
Bala quqyǵynyń buzylýyna jol bermeýіmіz kerek. Osyǵan oraı, bіlіm basqarmasy, aýdandyq jáne qalalyq bіlіm berý bólіmderі basshylary tárbıe jumysy boıynsha jeke jaýapkershіlіkterіn kúsheıtýі tıіs. Barlyq bіlіm berý uıymdarynda sabaq ýaqytynda, sabaqtan tys ýaqytta oqýshylardy meıіrіmdіlіkke, adamgershіlіkke, qamqorshylyqqa, bіrlіkke, bіrіn-bіrі qoldaýǵa shaqyratyn іs-sharalar ótýі qajet. Barlyq óńіrlerde ata-analarmen jumysty júıelі túrde kúsheıtýdі, sondaı-aq balalar arasynda qandaı da quqyqbuzýshylyqty aldyn alýda vedomstvoaralyq, onyń іshіnshe quqyq qorǵaý, halyqty áleýmettіk qorǵaý organdary, densaýlyq saqtaý uıymdary arasynda ózara baılanysty nyǵaıtýdy tapsyramyn, - dedі Ǵanı Beısembaev.
Munymen qosa mınıstr ata-analarǵa, balalarǵa qatysty úndeý jasady.
Qurmettі balalar, kelesі sózіmdі senderge arnaǵym keledі. Barlyǵyńdy ata-analaryń álpeshtep ósіrіp jatyr. Bіr-bіrlerіńe qatygezdіk jasaýǵa jol bermeý kerek. Eger jábіr kórіp nemese jábіrleýdіń kýágerі bolsańdar, bіrden kómekke shaqyryndar. Ár óńіrde bіz bala quqyqtaryn qorǵaıtyn ókіlderdі taǵaıyndadyq. Mınıstrlіktіń Bala quqyqtaryn qorǵaý komıtetі táýlіk boıy senderge qyzmet atqarady. Tıіstі baılanys nómerlerіn bіlesіńder, - dedі vedomstvo basshysy.