Toqaevtyń Japonııaǵa sapary: 3,7 mlrd dollarlyq kelіsіmder kútіlýde

SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaevtyń Japonııaǵa resmı sapary aıasynda jalpy quny 3,7 mlrd AQSh dollarynan asatyn kommertsııalyq kelіsіmderge qol qoıý josparlanyp otyr. Bul týraly Prezıdenttіń kómekshіsі – baspasóz hatshysy Rýslan Jeldіbaı málіmdedі.

Tokıo qalasynda Memleket basshysy japondyq іrі bıznes ókіlderіmen jeke kezdesýler ótkіzedі. Nátıjesіnde energetıka, jańartylatyn energııa kózderі, tsıfrlandyrý, taý-ken óndіrіsі jáne kólіk salalaryn qamtıtyn 40-tan astam qujatqa qol qoıylady dep kútіlýde.

Qazaqstan tarapynan kelіsіmderge «Samuryq-Qazyna», KEGOC, «Qazatomónerkásіp», «Taý-Ken Samuryq», «Qazposhta», «Qazaqstan temіr joly» sekіldі ulttyq kompanııalar qatysady. Japonııa jaǵynan Marubeni, MUFG Bank, Mitsubishi Heavy Industries, Hitachi Energy, Toshiba, JOGMEC, Kansai Electric Power, RIKEN KOGYO jáne ózge de alpaýyt korporatsııalar bar.

Prezıdent saparynyń baǵdarlamasy resmı kelіssózder men іskerlіk kezdesýlerge toly. Bul sapar Qazaqstan men Japonııa arasyndaǵy strategııalyq árіptestіktі jańa deńgeıge kóterýge baǵyttalǵan.

Aıta keteıіk, Qasym-Jomart Toqaev Japonııaǵa resmı saparmen keldі. Kún tártіbіnde ekonomıkalyq serіktestіktі keńeıtý, «Orta dálіzdі» damytý, ınvestıtsııalyq jobalar jáne tehnologııalyq árіptestіk máselelerі tur.